13

Дилсўз учинчи бор она бўлиши, янги альбом тақдимоти ва бизнес режаси ҳақида сўзлади

ШОУ-БИЗНЕС 29.10.2018, 10:46
Теглар: Фото, Дилсўз
10414
Дилсўз учинчи бор она бўлиши, янги альбом тақдимоти ва бизнес режаси ҳақида сўзлади

Унинг қўшиқлари тингловчилар кўнглидан чуқур жой эгаллагани рост гап. Бироқ бу гал Дилсўз билан ижод ҳақида гаплашиш учун учрашмадик. Хонанда фарзанд кутяпти. Насиб этса, у учинчи бор она бўлади!

— Фарзанд кутаётганингизни эшитиб, хурсанд бўлдик. Туғилажак фарзандингизни эсон–омон бағрингизга олиш насиб қилсин!

— Ташаккур! Фарзанд кўриш истагидаги ҳар бир аёлга бу улкан орзуси амалга ошишини тилаб қоламан! Аслида ҳам, биз, аёлларга берилган энг буюк неъмат – бу оналик мақоми. Ростини айтсам, яна фарзанд кўриш ҳақида ўйламаган эдик. Болаларимиз ҳали кичик, уларни катта қилиб оламиз, деяётгандик. Яратганнинг марҳамати экан, учинчи бор она бўлиш насиб этадиган бўлди. Бундан жуда ҳам хурсандман.

— Болаларим кичик деяпсиз, меҳрингиз, эътиборингиз бўлиниб қолиши ўйлантирмаяптими?

— Йўқ. Бу ҳақида ўйламадим ҳам. Аёл сифатида бошқа нарсалардан воз кечсам ҳам фарзандларимга бирдек меҳр кўрсата олишимга кўзим етади. Назаримда, ҳар бир она бу фикримга қўшилади.

— Ҳомиладорлик даври қандай ўтяпти?

— Аксарият дугоналарим ҳомиладорлик токсикозидан қийналишади. Айниқса, биринчи уч ойликдаги безовталиклар ҳақида эшитганимда ваҳимага тушардим. Аммо менда бундай бўлмади. Ҳеч бир фарзандимда токсикоз муаммосига дуч келмадим. Шунинг учун ҳам туққунимга қадар бемалол ижод қила оламан.

— Бу хушхабарни турмуш ўртоғингизга қандай айтдингиз?

— Буни иккимиз бир пайтда билдик. УТТга борганимизда шифокор «Табриклайман, оилангизга яна бир меҳмон келяпти», деди. Иккимиз бирдек қувондик. Кўзларимга ёш келди. Ҳар гал она бўлиш ҳақидаги янгиликни қувонч ёшлари билан қарши оламан.

— Яқинда узоқ кутилган альбомингиз тақдимоти бўлиб ўтди. Қўшиқлар тўпламини олдинроқ тақдим этишга нима тўсқинлик қилган эди?

— Битта қўшиқ яратиш учун анча меҳнат қилинади. Айтмоқчиманки, бу осон иш эмас. Таронани яратгунча бир неча ой изланамиз. Мусиқий тўплам тақдим этиш учун эса қўшиқлар сони кўп бўлиши керак. Ниҳоят, бунинг уддасидан чиқдим. Тингловчилар қўшиқларимни тинглаб яхши баҳолашади, деган умиддаман.

— Турк хонандаси билан дуэт куйладингиз. Яна ҳамкорлик қилиш режада борми?

— Турк хонандаси Синан Озен билан қариндош тутиндик десам бўлади. Тез–тез хабарлашиб турамиз. Режалар эса бисёр. Яна бир нечта дуэт куйлашни ўйлаяпмиз.

— Янги клиплар тақдим этмай қўйдингиз...

— Қўшиқ яратилаётганда унга клип олинадими-йўқми маълум бўлади. Ҳозирча тароналарим ичида клип суратга оладиган даражадагиларини топмадим. Бу билан умуман клип тақдим этилмайди, демоқчимасман. Айни кунларда студияда ёзилаётган қўшиқларга видео суратга олиниши режа қилинган.

— Ҳамкасбларингиз бирин-кетин тадбиркорликни бошлашяпти. Балки сизда ҳам шундай ният бордир?

— Ўйлаб қўйган бизнес режаларим бор. Келгусида «Дилсўз» номи билан тикув фабрикаси очмоқчиман.

— Барча орзуларингиз рўёбга чиқишини тилаб қоламиз.

— Раҳмат!

Алия суҳбатлашди

Шарҳлар

Самарқанддаги “BestTravel” сайёҳлик компанияси Дубайдаги ватандошларимизга беғараз ёрдам кўрсатмоқда (Фото)

03.04.2020, 16:44

Самарқанддаги "BestTravel" сайёҳлик компанияси жамоаси ҳамда волонтёрлар билан ҳамкорликда ҳозирги пайтда юзага келган вазият туфайли Дубайдан ўз ватанига қайтиб кела олмаган Ўзбекистон фуқароларига 10 кун...
14 кунлик тиббий кузатувда бўлган 250 нафар юртдошларимизда Коронавирус аниқланмади, уларга уйларига қайтишга рухсат берилди

03.04.2020, 15:43

COVID-19 Коронавирус инфекцияси мамлакатимизга кириб келиши ва тарқалишини олдини олиш мақсадида бир гуруҳ ватандошларимиз хориждан қайтарилмоқда. Хусусан, “УФА-Андижон” 372-сонли поездида Россиянинг Москва, Оренбург, Санкт-Петербург ва...
“Махсустранс”нинг 574 та чиқинди йиғиш майдонлари ва 435 та махсус техникалари кунлик равишда дезинфекция қилинмоқда (Фоторепортаж)

23.03.2020, 14:31

Маълумки, Ўзбекистонда коронавирус инфекцияси тарқалишини олдини олиш мақсадида карантин эълон қилинганлиги ва бунга кўра барча давлат ва жамоат жойларида санитар-гигиеник қоидаларга амал қилиш чоралари амалга...
Самарқанд вилояти ИИБ ЙҲХБ ходимлари ҳайдовчиларга ниқоб тарқатмоқда

23.03.2020, 14:00

Самарқанд вилояти ИИБ ЙҲХБ ходимлари томонидан хавфсизлик учун ниқоб тақмай ҳаракатланган ҳайдовчиларни огоҳлантириб, уларга ниқоб тарқатмоқда. 
Кун мавзуси: Фото
Об-ҳаво: Ташкент
+14° переменная облачность
Валюта курси