Беморларга психологдан 7 тавсия

Ҳаётингиздаги ҳар бир мураккаб вазиятга бу вақтинчалик деб қаранг. Тушкунлик сизни ўз домига тортишига йўл қўйманг. Ана шунда мураккаб вазиятдан чиқиб кетишингиз осон бўлади.
Хасталик безовта қилаётган маҳал умидсизликка берилманг. Токи юрагингиз уриб турган экан, демак, яшашга, яшаганда ҳам чиройли яшашга умид бор! Шу ҳақиқатни унутманг! Хунук ўйлар бостириб келса, дарров ўзингизни чалғитинг-да, ўрнини ижобий фикру хаёллар билан тўлдиринг.
Имкон қадар кўпроқ ҳаракатда бўлишга интилинг. Спорт билан шуғулланолмаган тақдирингизда ҳам пиёда кўпроқ юринг. Организмда қон айланиши яхшиланса, кайфият кўтарилади, демак, соғлиқ тез тикланади.
Тоза ҳаводан тўйиб-тўйиб, чуқур-чуқур нафас олинг. Вужудингиз кислородга тўйинса, анча енгил тортасиз.
Китоб ўқинг. Иложи бўлса, психологияга оид оптимистик руҳдаги асарларни мутолаа қилсангиз, иродангиз янада мустаҳкамланади.
Дуога қўл очинг, Яратгандан астойдил мадад сўранг. Бу ҳам ўзига хос медитация, яъни келажакка ишонч ҳиссини уйғотувчи синалган усул.
Ёмонликни унутинг, яхшиликни эса ҳеч қачон унутманг!

Беморларга психологдан 7 тавсия

Бизни ижтимоий тармоқларда кузатиб боринг

Бошқа янгиликлар