Янги йилнинг асосий арчаси пойтахтимизнинг бош майдони – Мустақиллик майдонида ўрнатилишига кўникиб қолган эдик. Аммо сўнгги икки йилда Бош арча "Анҳор-Локомотив" истироҳат боғига ўрнатилди.

Бу йил эса юртдошларимиз Янги йил байрамининг асосий тантаналарини янги манзил – Мустақиллик шоҳ кўчасида, яъни Ёшлар ижодиёт саройининг орқа томонидаги очиқ майдонда қарши олишадиган бўлди.

Бу хабарни Тошкент шаҳар ҳокимлиги матбуот хизмати ҳам тасдиқлади, деб ёзмоқда ЎзА. Кеча эрталабдан Мустақиллик шоҳ кўчасига Янги йил байрамининг бош арчасини ўрнатиш ишлари бошлаб юборилди.

Бундан ташқари Янги йил арчаси пойтахтимизнинг яна олтита нуқтасида пайдо бўлади.



Тошкент шаҳар ҳокимлиги маъмурияти байрамгача Тошкент янада ёрқин ва чиройли бўлишига ишонтирмоқда.

Эслатиб ўтамиз , жорий йил ҳам юртдошларимиз Янги йил байрами муносабати билан 30 декабрдан то 3 январга қадар дам олишади.