Sevimli

"Қамчиқ" довонида қиш мавсумига тайёргарлик кўрилмоқда

ЖАМИЯТ 06.11.2014, 14:06
"Қамчиқ" довонида қиш мавсумига тайёргарлик кўрилмоқда

“Тошкент-Ўш” автомобил йўлининг “Қамчиқ” довони қисмида 2014-2015 йиллар қиш мавсумига қизғин тайёргарлик кўрилмоқда.

Ўзбекистон Республикаси Ҳукуматининг топшириғига асосан, Фавқулодда вазиятлар, Ички ишлар вазирликлари, “Ўзавтойўл” компанияси ва Республика йўл жамғармаси билан биргаликда бу йилги қишки мавсумида А-373 “Тошкент-Ўш” автомобил йўлининг “Қамчиқ” довонини барқарор фаолият кўрсатишини, довон орқали автотранспорт воситалари ва йўловчиларнинг хавфсиз ҳамда узлуксиз ҳаракатларини таъминлаш мақсадида, бир қатор ишлар амалга оширилмоқда.

alt

Режада белгиланган автойўл ёқасидаги автомобиллар тўхтаб туришига мўлжалланган 13 та фалокатли ҳолатларда чиқиш йўллари ва 7 та вақтинча тўхташ майдончалари тозаланиб, уларнинг ҳолати доимий назоратга олинган.

Шунингдек, “Қамчиқавтойўл” ИЙФКнинг берган маълумотига кўра, автомобил йўлида кечаю-кундуз хизмат қилаётган ишчилар учун 200 комплект иссиқ кийим, 400 жуфт оёқ кийим ва 450 жуфт қўлқоп захираси яратилган.

Шу билан бир қаторда, “VISATA GROUP” МЧЖ томонидан қор уюмлари тўпланадиган жойларда ўрнатилиши режалаштирилган 1 минг 710 та қор кўчкисидан химоя қилиш тўсиқларидан мингдан ортиғи ўрнатилди. Бу ҳақда ФВВ Матбуот хизмати хабар беради.

Шарҳлар