Ташкент +4° Fri 23:18
Долзарб мавзулар Фото

Қуролли Кучлар куч тузилмалари ўртасида кураш чемпионати ўтказилди (Фото)

Бўлимлар: ЖАМИЯТ
Теглар: Фото
Добавлено: 16.05.2019, 17:33

13—15 май кунлари Мудофаа вазирлиги спорт клубида Ўзбекистон Республикаси Қуролли Кучлари куч тузилмаларининг ҳарбий хизматчилари ўртасида кураш бўйича чемпионат бўлиб ўтди.

Мазкур чемпионатда Мудофаа, Ички ишлар вазирликлари, Давлат хавфсизлик хизмати ва Миллий гвардия ҳарбий хизматчилари еттита — 60 кг, 66 кг, 73 кг, 81 кг, 90 кг, 100 кг ҳамда 100 килограммдан ортиқ вазн тоифасида ўзаро куч синашди.

Муросасиз кечган курашлар ҳакамлар ҳайъати томонидан баҳолаб борилди.

Якуний натижаларга кўра, Мудофаа вазирлиги ҳарбий спортчиларига 60 кг ҳамда 90 кг вазн тоифасида бас келадиган рақиб топилмади. Раҳмон Жумаев ҳамда Давлат Бобонов ўз вазн тоифасида биринчиликни қўлга киритди.

Умумжамоа ҳисобида эса, биринчилик Ички ишлар вазирлиги жамоасига насиб этди. Мудофаа вазирлиги жамоаси — 2-ўринни эгаллади. Шоҳсупанинг учинчи поғонасидан Давлат хавфсизлик хизмати терма жамоаси ўрин олди.

Мусобақа ғолиблари фахрий ёрлиқ ва қимматбаҳо совғалар билан тақдирланди.

Мудофаа вазирлиги матбуот хизмати

Google+
WhatsApp
VK
Telegram

Комментарии