my5

Ўзбекистон ва Беларусь Бош штаб бошлиқлари икки томонлама ҳамкорлик истиқболларини муҳокама қилди

ЖАМИЯТ 21.05.2019, 15:31
Теглар: Фото
1246
Ўзбекистон ва Беларусь Бош штаб бошлиқлари икки томонлама ҳамкорлик истиқболларини муҳокама қилди

Бугун, 21 май куни Ўзбекистон Мудофаа вазирлигида Беларусь Республикаси Қуролли кучлари Бош штаби бошлиғи — Беларусь мудофаа вазирининг биринчи ўринбосари генерал-майор Олег Белоконев бошчилигидаги делегация билан учрашув бўлиб ўтди. Олий мартабали меҳмонни Ўзбекистон мудофаа вазирининг биринчи ўринбосари — Қуролли Кучлар Бош штаби бошлиғи генерал-майор Павел Эргашев кутиб олди.

Шунингдек, учрашувда Беларусь Республикасининг Ўзбекистондаги Фавқулодда ва Мухтор элчиси Леонид Маринич ҳамда Беларусь Республикасининг мудофаа ишлари бўйича Ўзбекистондаги атташеси Андрей Романенко ҳам иштирок этди.
Таъкидлаш керакки, Беларусь Республикасининг ҳарбий делегацияси 24 майга қадар Ўзбекистонда расмий ташриф билан бўлади.

Учрашув давомида томонлар мудофаа соҳаси бўйича ҳамкорликни ривожлантириш истиқболларини муҳокама қилди, ушбу йўналиш бўйича ўзаро тажриба алмашишни мустаҳкамлаш борасида фикр алмашдилар.

Генерал-майор Павел Эргашев мамлакатларимизни умумий тарих, мустаҳкам дўстлик натижасида юзага келган анъаналар ва ўзаро ҳурмат бирлаштириб туришини таъкидлади.

“Муболағасиз айтиш мумкинки, 2018 йилнинг сентябрида Беларусь Республикаси Президентининг Ўзбекистонга амалга оширган давлат ташрифи икки томонлама муносабатлар тарихида янги саҳифа очиб, ўзбек—беларусь ўртасидаги стратегик ҳамкорликни рижовлантириш йўлида муҳим қадам бўлди”, — дейди Ўзбекистон Қуролли Кучлари Бош штаби бошлиғи.

Шунингдек, генерал-майор Павел Эргашев Ўзбекистон Мудофаа вазирлиги Беларусьтомони билан ҳар томонлама, жумладан, ҳарбий ва ҳарбий-техника соҳасида муносабатларни ривожлантиришга тайёр эканлигини билдирди.

Генерал-майор Олег Белоконев ўз чиқиши давомида Ўзбекистон унинг учун дўстона ва қуёшли мамлакатгина эмаслигини алоҳида аҳамиятга эга эканлигини қайд этиб ўтди. “Тошкентда менинг ота-онам яшаган, укам туғилган, юрагимнинг бир парчаси доим ушбу ажойиб шаҳар билан бирга. Мазкур ташриф кўр-кўрона ташкил этилмади, бу Ўзбекистон ва Беларусьреспубликалариўртасидаги муносабатларни мустаҳкамлаш бўйича давлатларимиз мудофаа вазирларининг қарорлари ижросидир”.

Бундан ташқари учрашув давомида сўнгги йилларда кенг қиррали ва кўламли давлатлараро алоқаларни ривожлантириш йўлида салмоқли марралар забт этилгани таъкидланди.Учрашувдан сўнг меҳмонлар Мустақиллик майдонидаги “Мотамсаро она” монументи пойига гулчамбар қўйдилар.

Беларусь Республикаси делегацияси Ўзбекистон Қуролли Кучлари академиясида ҳам бўлиб, олий ҳарбий таълим муассасасининг фаолияти, шунингдек, ҳарбий кадрларни тайёрлашга янгича ёндашувлар билан танишди. Меҳмонлар ҳарбий кадрларнинг малакасини ошириш ва қайта тайёрлаш, уларга яратилган шароитларни юқори баҳолади.

Эслатиб ўтамиз, 20—27 май кунлари Наманган вилоятидаги “Ғурумсарой” полигонида биринчи бор Ўзбекистон ва Беларусь Республикалари бўлинмалари ўртасида “Жанговар ҳамдўстлик—2019” махсус-тактик машғулотлари ўтказилмоқда.

Мудофаа вазирлиги матбуот хизмати

Шарҳлар

Сирдарёдан махсус репортаж: Халқ артистлари халқ хизматига келди… (Фото)

23.05.2020, 12:43

Бугун кўнгилларни обод қиламан деган ҳар кимнинг йўли Сирдарё вилоятига туташиши аниқ. Техноген офат чин маънода бутун миллатни оёққа турғизди, бир тан-у бир жон бўлишга...
Президент Сардобада: 1480 хонадондан иборат 37 та уйнинг пойдеворига тамал тоши қўйилди (фото ва видео)

15.05.2020, 14:27

 Ўзбекистон Республикаси Президенти Шавкат Мирзиёев 15 май куни Сирдарё вилоятига келди.Маълумки, жорий йил 1 май куни Сардоба сув омбори тўғонининг бир қисми ўпирилиб, ёндош туманлардаги...
Шимоли-ғарбий ҳарбий округ ҳарбийлари сирдарёликларга ёрдам беришни бошлади (Фото)

05.05.2020, 12:22

3 май куни Шимоли-ғарбий ҳарбий округдан 300 нафардан ортиқ ҳарбий хизматчилар ҳамда 20 га яқин ҳарбий ва махсус техника Сирдарё вилоятининг Сардоба сув омборида содир...
Қашқадарёда фотоқопқонга тушган қор қоплонининг суратлари эълон қилинди

29.04.2020, 12:46

Қашқадарё вилояти Ҳисор давлат қўриқхонасига  ўрнатилган фотоқопқонга қор қоплонининг ноёб кадрлари тушиб қолди.Қор қоплони Ўзбекистоннинг юқори қор тизмаларида яшовчи жонивор бўлиб, сайёрадаги ҳайвонот оламининг камёб турларидан бири...
Кун мавзуси: коронавирус
Об-ҳаво: Ташкент
+29° ясно
Валюта курси
10139.30
USD 9.74
11051.84
EUR 96.72
141.35
RUB 3.81