my5
all

Марказий ҳарбий округ қўмондони Президент батальони ҳарбий хизматчиларининг юз нафарини рағбатлантирди(Фото)

ЖАМИЯТ 05.07.2019, 10:23
Теглар: Фото
1276
Марказий ҳарбий округ қўмондони Президент батальони  ҳарбий хизматчиларининг юз нафарини рағбатлантирди(Фото)

3 июль куни Самарқанд шаҳридаги ҳарбий қисмда Марказий ҳарбий округ қўшинлари қўмондони Ўзбекистон Президенти Шавкат Мирзиёев ташаббуси билан ташкил этилган батальон тактик гуруҳи шахсий таркибини пул мукофоти ҳамда қимматбаҳо совғалар билан рағбатлантирди. Бу ҳақда Марказий ҳарбий округ матбуот хизмати хабар берди.

Дастлаб Мудофаа вазирлиги миқёсида видеоселектор тарзида ўтган йиғилишда июнь ойи якуни бўйича округлар ичида намуна сифатида Марказий ҳарбий округ кўрсатилди. "Ҳарбий округ мазкур ютуққа эришишида оддий аскарнинг ҳам алоҳида роли бор", – дея таъкидлади Қўмондон тантанали маросимда. – "Шу боис, анъанага айланган бу каби тадбирларда Навоий, Жиззах ҳамда Самарқанд вилоятида жойлашган ҳарбий қисмларда хизмат қилаётган офицердан тортиб, оддий аскарларгача эътибордан четда қолмайди".

- Жазирама иссиқ ёки қаҳратон совуқдами дала ўқув машғулотларида қатнашаман. Фаолликни бирор дақиқа қўлдан бой бермайман. Менга далда бериб турадиган куч, бу - ота-онамни дуоси, сафдошларимнинг қўллаб туриши, командирларимнинг ғамхўрлигидир. Энг асосийси Президентим баталъонида хизмат қилаётганим. Мана, бугун Қўмондондан пул мукофоти олар эканман, қўлимни сиқиб, "ота-онангга раҳмат, баракалла!", деган гапи мени руҳлантирди, бир оддий аскар учун бу катта шараф, – дейди шартнома асосидаги ҳарбий хизматчи, оддий аскар А. Турсунов.

Шунингдек, тадбирда иштирок этаётган турли мутахассислик вакиллари, ёшларни ватанпарварлик руҳида тарбиялашда ҳисса қўшаётган нафақадаги ҳарбий хизматчилар, кекса авлод вакиллари ҳам муносиб тақдирланди.

Шарҳлар

Сирдарёдан махсус репортаж: Халқ артистлари халқ хизматига келди… (Фото)

23.05.2020, 12:43

Бугун кўнгилларни обод қиламан деган ҳар кимнинг йўли Сирдарё вилоятига туташиши аниқ. Техноген офат чин маънода бутун миллатни оёққа турғизди, бир тан-у бир жон бўлишга...
Президент Сардобада: 1480 хонадондан иборат 37 та уйнинг пойдеворига тамал тоши қўйилди (фото ва видео)

15.05.2020, 14:27

 Ўзбекистон Республикаси Президенти Шавкат Мирзиёев 15 май куни Сирдарё вилоятига келди.Маълумки, жорий йил 1 май куни Сардоба сув омбори тўғонининг бир қисми ўпирилиб, ёндош туманлардаги...
Шимоли-ғарбий ҳарбий округ ҳарбийлари сирдарёликларга ёрдам беришни бошлади (Фото)

05.05.2020, 12:22

3 май куни Шимоли-ғарбий ҳарбий округдан 300 нафардан ортиқ ҳарбий хизматчилар ҳамда 20 га яқин ҳарбий ва махсус техника Сирдарё вилоятининг Сардоба сув омборида содир...
Қашқадарёда фотоқопқонга тушган қор қоплонининг суратлари эълон қилинди

29.04.2020, 12:46

Қашқадарё вилояти Ҳисор давлат қўриқхонасига  ўрнатилган фотоқопқонга қор қоплонининг ноёб кадрлари тушиб қолди.Қор қоплони Ўзбекистоннинг юқори қор тизмаларида яшовчи жонивор бўлиб, сайёрадаги ҳайвонот оламининг камёб турларидан бири...
Кун мавзуси: коронавирус
Об-ҳаво: Ташкент
+28° небольшая облачность
Валюта курси
10139.30
USD 9.74
11051.84
EUR 96.72
141.35
RUB 3.81