Ташкент +4° Tue 19:14
Долзарб мавзулар Фото

30 дан ортиқ объектлар ЮНЕСКО мероси рўйхатига киритилди (Видео)

Бўлимлар: ДУНЁ
Теглар: Видео
Добавлено: 09.07.2019, 17:43

Озарбойжон пойтахти Боку шаҳрида ЮНЕСКОнинг Бутунжаҳон мероси қўмитасининг 43-сессияси бўлиб ўтмоқда. Бу ҳақда ntdtv.ru нашри хабар берди.

Сессиясида 30 дан ортиқ объектлар Бутунжаҳон мероси рўйхатига киритилди. Жумладан, Мексиканинг Калифорния бўғозида жойлашган орол ва қўриқхона ҳудуди рўйхатдан жой олди. Бу ерда денгиз чўчқасининг ноёб тури ҳисобланмиш вакита яшайди. Шунингдек, қулдорлик даврига оид ўзининг архитектурасини шу бугунги кунга қадар сақлаб қолган Бразилиянинг Парати шаҳри ҳам рўйхатга киритилди.Ироқнинг Бобил шаҳри ўттиз йиллик сайъи- ҳаракатлардан сўнг ЮНЕСКО рўйхатидан жой олди.

Қадимий шаҳар қолдиқлари Боғдоддан 90 км узоқликда жойлашган бўлиб, бу ердаги қазилма ва ўрганиш ишлари ҳудуднинг бор-йўғи 15 фоиз қисмида амалга оширилган. ЮНЕСКОнинг бутун жаҳон мероси рўйхатига Исландиянинг Ватнайёкюдль миллий боғи ҳам киритилди. Айнан шу ерда Европанинг энг йирик музликлари жойлашган. Боғнинг ўзига хос жиҳатларидан яна бири бу ерда 10 та вулқон бор, уларнинг 8 таси эса муз билан қопланган. Эрон Хиркон ўрмонлари табиий мерос сифатида Бутунжаҳон мероси рўйхатига олинди. Хиркон ўрмонлари 2 миллион гектар ҳудудда жойлашган бўлиб, бу ерда қушларнинг 296 тури , сут эмизувчиларнинг 98 тури мавжуд бўлиб, 150 хил ўсимлик, қарағай дарахтлари ўсади.

Google+
WhatsApp
VK
Telegram

Комментарии