Му5
4

Хива “Рақс сеҳри” халқаро фестивали меҳмонларини қарши олди (Фото)

МАДАНИЯТ 15.09.2019, 13:43
Теглар: Фото
669
Хива “Рақс сеҳри” халқаро фестивали меҳмонларини қарши олди (Фото)

14 – 16 сентябрь кунлари Хива шаҳридаги “Ичан-қалъа” давлат музей-қўриқхонасида Ўзбекистон Республикаси Маданият вазирлиги, Туризмни ривожлантириш давлат қўмитаси, Хоразм вилояти ҳокимлиги ва бошқа ташкилотлар ҳамкорлигида “Рақс сеҳри” халқаро фестивали бўлиб ўтмоқда. Тадбирда юртимизнинг турли ҳудудлари ва қатор хорижий давлатлардан Хива шаҳрига ташриф буюрган санъаткорлар бадиий чиқишлари билан иштирок этишади. Миллий рақс санъатимизни дунёга тарғиб қилиш, мамлакатимизда туризмни янада ривожлантириш мақсадида ташкил қилинган фестивалга жорий йил ҳар сафаргидан-да пухта тайёргарлик кўрилди.


Жорий йилда “Рақс сеҳри” фестивалида Англия, Италия, Франция, Голландия, Россия, Кувайт, Малайзия, Ҳиндистон, Хитой, Индонезия, Польша, Грузия, Озарбайжон, Қозоғистон, Туркманистон, Тожикистон каби 20 га яқин хорижий давлатдан 100 га яқин рақс гуруҳлари қатнашади. Ушбу халқаро фестивалда шунингдек Грузия давлат академик халқ ашула ва рақс ансамблининг "Рустави" рақс гуруҳи ҳам иштирок этиши кутилмоқда. "Рустави" рақс жамоаси дунёнинг 80 дан ортиқ мамлакатига ташриф буюрган (баъзи мамлакатларда бир неча марта), 5000 дан ортиқ консертда иштирок этган ва томошабинлар олқишига сазовор бўлган.


Ансамбль репертуарида кўплаб анъанавий грузин рақслари мавжуд. Бундан ташқари иштирокчилар орасида озарбайжонлик таниқли раққоса, хореограф ва актриса Оксана Расулова ҳам бор. Озарбайжоннинг Шабран шаҳрида туғилган Оксана ҳинд мумтоз рақсларини ижро қилади. Асосан “Bharatanatyam” рақс услубини севиб ижро этади. 1999-2005 йиллар давомида турли рақс танловларининг ғолиби бўлган. Оксана Расулова ўзининг қизиқарли рақс дастурлари билан кўплаб мамлакатларни айланиб чиққан. Оксананинг рақслари Youtube канали орқали миллионлаб фолловерлар томонидан томоша қилинган. Бугун, 14 сентябрь куни Хива темир йўл вокзалида фестиваль иштирокчиларини тантанали кутиб олиш маросими бўлиб ўтди. Меҳмонлар орасида Польша, Грузия, Ҳиндистон, Озарбойжон, Тожикистон, Қозоғистон каби мамлакатлардан 30 дан зиёд раққос ва раққосалар, рақс дасталари ташриф буюрди. Шу билан бирга, республикамизнинг турли ҳудудларидан 50 га яқин рақс жамоалари кутиб олинди. “Рақс сеҳри” фестивалининг расмий очилиш маросими 15 сентябрь куни Хива шаҳридаги “Ичан-қалъа” давлат музей-қўриқхонаси ҳудудида бўлиб ўтади.


Шарҳлар

Хоразмда “Шамол генератори” ишлаб чиқарилади

22.01.2020, 18:06

Муқобил энергия манбаларидан фойдаланиш тарихан жуда узоқ даврларга бориб тақалади. Қадимдан қуёш ва шамол энергетикасидан маълум даражада инсоният ўз яшаш турмуш тарзида фойдаланиб келган. Масалан...
Қорақалпоғистон Республикасида Ватан ҳимоячилари куни байрамининг ёрқин лаҳзалари (Фоторепортаж)

14.01.2020, 20:17

Бугун, 14 январь куни Бердақ номидаги Қорақалпоқ давлат академик мусиқали театрида Ватан ҳимоячилари куни ҳамда Ўзбекистон Қуролли Кучлари ташкил этилганининг 28 йиллиги байрам тадбири бўлиб ўтди. Тадбирда...
Нукусдаги фестивалда ҳарбийларнинг чиқишлари, ёшлар билан қувноқ баҳслар, қурол, ҳарбий техникалар кўргазмаси ва бошқалар намойиш этилди (Фото)

14.01.2020, 18:07

Ватанпарварлик ойлиги доирасида барча ҳудудларда бўлгани каби Қорақалпоғистон Республикасида ҳам ватанпарварлик фестиваллари орқали Ватан ҳимоячилари куни айёми умумхалқ байрами сифатида халқимиз билан бирга ўтказиляпти.Нукус шаҳри...
Австралия табиий офат исканжасида (Фото)

07.01.2020, 12:29

2019 йилнинг октябрь ойларида ҳаво ҳароратининг исиб кетиши оқибатида Австралиянинг шарқий ҳудудларида бошланган ўрмон ёнғинлари ҳозирда Янги жанубий Уэлс ва Виктория штатларининг жанубий-шарқий қисм ҳудудларигача...
Кун мавзуси: Фото
Об-ҳаво: Ташкент
+-0.25° небольшой снег
Валюта курси
9547.05
USD -3.71
10585.77
EUR -34.68
155.06
RUB -1.53
rightuz