Фаолиятини бошлаганига кўп бўлмаган бўлсада, тез фурсатларда ўз аудиториясини йиғиб олишга улгурган Togri.uz нашри ёпилди, бу ҳақда сайт муҳаррири Хуршид Йўлдошев ўзининг ижтимоий тармоқдаги саҳифаси орқали маълум қилган.
У сайт ёпилгани ҳақидаги хабарини қуйидагича ёзиб қолдирган: “Togri.uz яхши ишлади ва яхши ишлагани учун ҳам ёпилди.”
“Қўшни маҳалла” Телеграм каналида берилган маълумотларга кўра, бугун сайт жамоасининг йиғилиши бўлган ва унда сайт директори лойиҳани молиялаштириш тўхтатилганини маълум қилган.
Сайт нима сабабдан ёпилгани ҳақида ҳозирча аниқлик киритилмаган.
