Россиянинг Петербург шаҳридаги Будапешт кўчасида 39 та ўйин автомати бўлган ноқонуний казино фаолияти тўхтатилди. Бу ҳақда шаҳар прокуратураси хабар берган.
Текширув жараёнида 39 та ўйин автомат мусодара қилинди. Мазкур казинони 38 ёшли россиялик аёл ва 24 ёшли ўзбекистонлик йигит ташкил қилгани маълум бўлди. Бинода қимор ўйинлари ўтказилгани аниқланди. Бу ҳолат юзасидан жиноят иши қўзҳатилди. Тергов ишларини шаҳар прокуратураси назорат қилмоқда.
