Москванинг Домодедово аэропортидан Фарғонага парвоз қилаётган самолёт йўловчининг ўлими сабабли Самарага фавқулодда қўнди. Бу ҳақда РИА Новости хабар қилди.
Маълум қилинишича, Домодедово-Фарғона йўналиши бўйича SVR2419 рейсини амалга оширган самолёт йўловчилардан бирининг соғлиги ёмонлашгани сабабли Самарадаги “Курумоч” аэропортига қўнишга мажбур бўлган.
“Шифокорлар самолётга етиб келишганда, афсуски, йўловчи вафот этиб бўлган эди”, - деди агентликка аэропорт вакили.
Дастлабки маълумотларга кўра, вафот этган йўловчи Ўзбекистон фуқароси бўлган. Унинг ўлимига ўпкадаги шиш билан кузатилган инфаркт сабаб бўлган.
