my5

Сенатнинг 24-ялпи мажлиси куни белгиланди

СИЁСАТ 25.11.2019, 16:01
Теглар: Сенат, ялпи мажлис
998
Сенатнинг 24-ялпи мажлиси куни белгиланди

Бугун, 25 ноябрь куни Ўзбекистон Республикаси Олий Мажлиси Сенати Кенгашининг мажлиси бўлиб ўтди.

Сенат Раиси Танзила Нарбаева олиб борган мазкур мажлисда Ўзбекистон Республикаси Олий Мажлиси Сенатининг йигирма тўртинчи ялпи мажлисини жорий йил 30 ноябрь куни Тошкент шаҳрида чақириш тўғрисида қарор қабул қилинди.

Ялпи мажлисда даставвал мамлакатимиз тарихида илк бор  қабул қилинган “2020 йил учун Ўзбекистон Республикасининг Давлат бюджети тўғрисида”ги Ўзбекистон Республикаси Қонуни муҳокама қилинади. Шунингдек, “Ўзбекистон Республикаси Вазирлар Маҳкамаси тўғрисида”ги, “Волонтёрлик фаолияти тўғрисида”ги, “Касаба уюшмалари тўғрисида”ги Ўзбекистон Республикаси қонунлари кўриб чиқилади.

Ялпи мажлис кун тартиби доирасида “Фаол инвестициялар ва ижтимоий ривожланиш йили” Давлат дастурининг 2019 йил учинчи чорагидаги ижроси юзасидан Ўзбекистон Республикаси Вазирлар Маҳкамасининг ҳисоботи эшитилади.

Бундан ташқари, сенаторлар тадбиркорлик субъектларини тугатиш тартиби такомиллаштирилиши, бола ҳуқуқларининг кафолатлари янада кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритишга қаратилган қонунларни кўриб чиқади.  

Сенат аъзолари томонидан “1993 йил 22 январдаги Фуқаролик, оилавий ва жиноят ишлари бўйича ҳуқуқий ёрдам ҳамда ҳуқуқий муносабатлар тўғрисидаги Конвенцияга доир Баённомани (Москва, 1997 йил 28 март) ратификация қилиш ҳақида”ги Ўзбекистон Республикаси Қонуни ҳам муҳокама қилинади.  

Шунингдек, Самарқанд шаҳри ва Самарқанд тумани чегараларини ўзгартириш ҳамда бошқа масалалар кўриб чиқилади.

Сенаторлар Вазирлар Маҳкамасига давлат божхона хизмати органлари томонидан қонун ҳужжатларининг ижро этилиши ҳолати, арзон уй-жой қурилиши, газ, электр таъминоти билан боғлиқ парламент сўровлари юбориш масалаларини ҳам муҳокама қиладилар.

Олий Мажлис Сенати қўмиталари ва девонининг йигирма тўртинчи ялпи мажлисга тайёргарлик кўриш ва уни ўтказишга доир ишларини мувофиқлаштириш мақсадида ишчи гуруҳ тузилди.

Шарҳлар

Сенатнинг 25-ялпи мажлиси куни маълум бўлди

12.12.2019, 11:03

Ўзбекистон Республикаси Олий Мажлиси Сенатининг йигирма бешинчи ялпи мажлиси 2019 йил 14 декабрь куни соат 10.00 да Тошкент шаҳрида Ўзбекистон Республикаси Олий Мажлиси Сенатининг мажлислар...
Танзила Нарбаева: одам савдоси бўйича жиноят-қидирув ишларини кучайтириш зарур

18.11.2019, 17:40

 2019 йил 16 ноябрь куни Самарқанд вилояти ҳокимлигида Олий Мажлис Сенати Раиси Танзила Нарбаева иштирокида одам савдосига ва мажбурий меҳнатга қарши курашиш бўйича вилоят ҳудудий...
Сенат қаршилик 5 йигит томонидан хўрланган аёл ишини назоратга олди

14.11.2019, 14:55

 Хабарингиз бор, сал аввал, Қашқадарёда 5 йигит 26 ёшли аёлни зўрлагани ҳақида хабар берган эдик. Айни пайтда воқеа жамоатчилик томонидан кенг муҳокама қилинмоқда. Фикрлар эса...
Расман: Сенат раиси ўринбосари Светлана Артикованинг ваколати муддатидан аввал тугатилди

07.11.2019, 20:33

Ўзбекистон Республикаси Президентининг 2019 йил 7 ноябрдаги Фармонига биноан Ўзбекистон Республикаси Олий Мажлиси Сенати аъзоси Светлана Баймирзаевна Артикованинг ваколати муддатидан аввал тугатилди. Бу ҳақда Олий...
Кун мавзуси: коронавирус
Об-ҳаво: Ташкент
+22° ясно
Валюта курси
10315.62
USD 20.29
12210.60
EUR 15.78
136.28
RUB -1.37