my5
Sevimli

Бош прокуратура “Самарқандда 15 киши калтаклаб ўлдирган ўқитувчи” тафсилотларини маълум қилди

ЖАМИЯТ 27.11.2019, 15:56
Теглар: ​Самарқанд, Ўқитувчи
Бош прокуратура “Самарқандда 15 киши калтаклаб ўлдирган ўқитувчи” тафсилотларини маълум қилди

 

Бугун интернетда Самарқандлик ўқитувчи 15 киши томонидан калтакланиши оқибатида вафот этгани ҳақида хабар тарқалди. darakchi.uz воқеага аниқлик киритиш мақсадида Бош прокуратура билан боғланди. Ҳолат тезкор ўрганилиб, Бош прокуратура Матбуот хизмати томонидан darakchi.uzга тақдим этилди.

Аниқланишича, 2019 йил 20 ноябрь куни соат таҳминан 03.40ларда Самарқанд шаҳар Беруний кўчасида 1990 йилда туғилган фуқаро Джурабек М. (ишчи) шериклари 1994 йилда туғилган Дониёр С. (судланган, ҳайдовчи) ва 1997 йилда туғилган Мухаммад К. (судланган, ишчи)лар  билан олдиндан жиноий тил бириктириб, жамиятда юриш-туриш қоидаларини менсимасдан, шаҳардаги 42-сонли умумтаълим мактаб ўқитувчиси Иззатило М. билан ҳеч бир сабабсиз жанжаллашиб қолган.

Зўравонлар жанжал вақтида қўл ва оёқлари билан ўқитувчининг бош қисми ва танасининг турли соҳаларига бир неча маротаба қасддан уриб, ҳаёти учун хавфли бўлган тан жароҳати етказишган. Натижада Иззатило М. шифохонага ётқизилган. Шифокорларнинг маълумотига кўра, Иззатило М.да “оғир ёпиқ КЦТ, бош миянинг оғир даражали лат ейиши” ташхиси қўйилган.

Мазкур ҳолат юзасидан шу куни Самарқанд шаҳар ИИО ФМБ ТБ томонидан Жиноят кодексининг 104-моддаси билан жиноят иши қўзғатилиб, тергов ҳаракатлари ўтказилган. 

Шифокорлар томонидан кўрсатилган муолажаларга қарамасдан 2019 йил 23 ноябрь куни Иззатило М. жонлантириш бўлимида вафот этган. 

2019 йил 23 ноябрь куни Джурабек М., Дониёр С. ва Мухаммад К.лар ЖКнинг 104-моддаси 3-қисми “д” банди билан жиноят ишида гумон қилинувчи тариқасида жалб қилиниб, процессуал тартибда ушланган. 

Жиноят иши бўйича дастлабки тергов ҳаракатлари Самарканд вилояти прокуратураси томонидан назоратга олинган.

Шарҳлар

2 нафар қизи бор ҳамшира аёлни уриб судрашгани акс этган видео юзасидан расмий муносабат берилди

27.02.2021, 18:15

Ижтимоий тармоқларда “2 нафар қизи бор ҳамшира аёлни уриб судрашгани акс этган видео тарқалди” сарлавҳаси остида тарқалган видео юзасидан маълумотТасвирлардаги ҳолат 2021 йил 5 февраль...
Самарқанддаги савдо марказида хотини ва унинг жазманини пичоқлаб ўлдирган эркакка суд ҳукми ўқилди

26.02.2021, 12:13

2020 йилнинг ноябрь ойида 42 ёшли пастдарғомлик эркак хотинининг бошқа эркак билан ишқий муносабатлари ҳақида хабар топгач, Самарқанддаги Мирзо Улуғбек кўчасида жойлашган савдо марказида уларни...
Самарқандда фуқаролардан пул ундириб олган МЧЖ ходимлари аниқланди

21.02.2021, 20:20

Самарқандда «BITSIMPLEХ» номли МЧЖ ходимлари фуқаролардан 500 АҚШ долларидан 22 250 АҚШ долларигача пул маблағларини олиб, пулларни қайтариб бермаётганлиги аниқланган. Бу ҳақда Тергов департаменти хабар...
"СОНДА" Самарқанддаги ўғирликни фош этди

21.02.2021, 17:27

 Самарқандда «BITSIMPLEХ» номли МЧЖ ходимлари фуқаролардан 500 АҚШ долларидан 22 250 АҚШ долларигача пул маблағларини олиб, пулларни қайтариб бермаётганлиги аниқланган. Бу ҳақда Тергов департаменти хабар...
Кун мавзуси: коронавирус
Об-ҳаво: Ташкент
+19° ясно
Валюта курси
10525.50
USD -13.03
12763.22
EUR -115.92
141.09
RUB -2.22