Му5
3

Ўзбекистонда иккита пуллик тоннел қурилади

ЖАМИЯТ 11.12.2019, 11:15
364
Ўзбекистонда иккита пуллик тоннел қурилади

Ўзбекистон Республикаси президенти “Йўл соҳасини бошқариш тизимини янада такомиллаштиришга оид чора-тадбирлар тўғрисида”ги қарорни имзолади.

2020-2022 йилларда давлат-хусусий шериклик шартларида пуллик автомобиль йўлларини ташкил этиш лойиҳаларини амалга ошириш бўйича “Йўл харитаси”га кўра, “Қамчиқ" довонида янги пуллик тоннел қуриш мўлжалланмоқда.

Лойиҳани амалга ошириш механизми ва индикатив муддатлари - Жаҳон банки томонидан лойиҳанинг мақсадга мувофиқлигини ўрганиб чиқиш - 2020 йил март, Жаҳон банки билан келишув тузиш - 2020 йил апрель, ДТИҲни тайёрлаш 2020 йил май, ТИҲни тайёрлаш - 2020 йил октябрь, лойиҳа концепциясини тайёрлаш ва киритиш - 2020 йил ноябрь, концепция ва ТИҲни тасдиқлаш - 2020 йил декабрь, тендер ҳужжатларини тайёрлаш - 2021 йил апрель, танлов олди саралаш жараёни - 2021 йил август, таклифларни қабул қилиш жараёни - 2021 йил ноябрь, тендер ғолиби билан келишув имзолаш - 2022 йил март. Масъул ижрочилар - Транспорт вазирлиги (И. Маҳкамов), Давлат-хусусий шериклик агентлиги (Г. Холжигитов), Тошкент вилояти (Р.Холматов), Наманган вилояти (X. Бозоров) ҳокимликлари.

Шунингдек, “Тахтақорача” довонида янги пуллик тоннел қуриш кўзда тутилган. Лойиҳани амалга ошириш механизми ва индикатив муддатлари - ЕТТБ ёки бошқа консалтинг компанияси билан келишув тузиш - 2020 йил январь, ТИҲни тайёрлаш-2020 йил июнь, лойиҳа концепциясини тайёрлаш ва киритиш - 2020 йил июль, концепция ва ТИҲни тасдиқлаш - 2020 йил сентябрь, тендер ҳужжатларини тайёрлаш - 2020 йил октябрь, танлов олди саралаш жараёни - 2020 йил декабрь, таклифларни қабул қилиш жараёни - 2021 йил февраль, тендер ғолиби билан келишув имзолаш - 2021 йил май. Масъул ижрочилар - Транспорт вазирлиги (И. Маҳкамов), Давлат-хусусий шериклик агентлиги (Г. Холжигитов), Қашқадарё вилояти ҳокимлиги (3. Мирзаев).

Бундан ташқари, Сирдарё - Бахт шаҳарларини айланиб ўтувчи пуллик автомобиль йўлини қуриш, Тошкент - Самарқанд пуллик автомобиль йўлини қуриш, Тошкент - Андижон пуллик автомобиль йўлини қуриш режалаштирилмоқда. 

 

Шарҳлар

Кун мавзуси: Фото
Об-ҳаво: Ташкент
+2° небольшой дождь
Валюта курси
9547.05
USD -3.71
10585.77
EUR -34.68
155.06
RUB -1.53
rightuz