Аввал хабар берганимиздек, Ўзбекистон Республикаси президенти Шавкат Мирзиёев бугун Японияга жўнаб кетган эди.
Президент Шавкат Мирзиёев 17 декабрь куни Японияга расмий ташриф дастуридаги биринчи манзил - Нагоя шаҳрига келди.
Тюбу халқаро аэропортида давлатимиз раҳбарини Япония ташқи ишлар вазирининг ўринбосари Синичи Накатани, Нагоя шаҳри мэри Такаси Кавамура ва бошқа расмий шахслар кутиб олди.
Ташрифнинг асосий тадбирлари 18 декабрь куни бошланади.
