Му5
8

"Эримнинг қазо қилганларини ҳамма билмайди" — ўзбек актёри вафот этгани маълум бўлди

МАДАНИЯТ 06.01.2020, 11:35
10045
"Эримнинг қазо қилганларини ҳамма билмайди" — ўзбек актёри вафот этгани маълум бўлди

2019 йилнинг 29 август кунида “Ўзбекфильм” киностудиясида кўп йилдан буён фаолият кўрсатган актёр, режиссёр Тўхтамурод (Тўхтасин) Муродов мияга қон қуйилиши натижасида вафот этди.
"Уйимизга тинимсиз телефон қилишади, вилоятдан, бошқа жойлардан. Ҳаттоки киноактёрларнинг ярми билмайди уларни вафот этганини. Ҳозир ҳам қўл телефонлари, рақамлари ишлаб тургани учун, баъзида одамлар – Тўхтасин акам яхши юрибдиларми? – деб сурашса ғалати бўламан”. 2019 йилнинг 29 август кунида “Ўзбекфильм” киностудиясида кўп йилдан буён фаолият кўрсатган актёр, режиссёр Тўхтамурод (Тўхтасин) Муродов мияга қон қуйилиши натижасида вафот этди. Актёрнинг қазо этгани шу кунгача ҳеч қайси ОАВда ёритилмади, Effect.uz ахборот агентлиги журналисти Сарвиноз Сулаймоновага мурожаат қилган марҳумнинг аёли актёрнинг турмуш ўртоғи ҳали ҳам уйга кўплаб ҳамкасблар қўнғироқ қилишини, орадан 4 ой ўтган бўлса ҳам, бўлган воқеадан уларнинг хабари йўқлигини айтди. “2016 йил августда мияга қон қуйилиши натижасида биринчи бор инсультни бошдан кечирдилар. Роппа роса бир йилдан сўнг умуман тилдан қолиб, ётиб қолди. Мана қўлимда шифохона қоғозлари турибди – ташхис “мия ишиши”. Шу йил августда 16 сон шаҳар шифохонасининг кардиореанимация бўлимига уларни ётқизган эдик ва ўша ерда оламдан кўз юмдилар” дейди Хилола Ботирова. Актёр “Тангалик болалар”, “Мерган милиция”, “Осмондаги болалар”, “Акмалнинг саргузаштлари”, “Аросат” ва бошқа кинофильмларда ижро этган роллари билан ном қозонган.
 


Тўхтамурод Муродов 1946 йил 20 октябрда Бухоро вилояти Қоракўл туманида туғилган. 1966-1970 йилларда Тошкент театр ва рассомчилик институтининг режиссура бўлимида тахсил олган. Айни вақтда Сирғали тумани “Мехригиё” маҳалласида бир хонали хонадонда уч фарзанди билан ёлғиз қолган Хилола опа ҳаётидан кўнгли тўқлигини, бироқ хавас билан турмуш ўртоғи ҳар бир фарзанди учун “дом”дан ташқарида учта ёнғоқ дарахти экканини, 2016 йилда эса дарахтлар шу ердаги маҳалла қўмитаси вакиллари томонидан кесила бошлаганини айтди. Шундан сўнг Тўхтасин ака қаттиқ сиқилиб, миясига қон қуйилишгача боргани ҳам таъкидланди.

Оилангизга бирор ёрдам кўрсатилмадими деган саволга Хилола Ботирова шундай дейди: “Ҳокимият томонидан 2018 йил 3 декабрда “Ногиронлар куни”га бағишлаб Тўхтасин акамга ногиронлар аравачаси берилди, яна бироздан сўнг маҳалладан бизга кўмак ўрнида ёғ, ул-бул берилди, шундан бошқа ёрдам олмадик. Ваҳоланки уларнинг даволаниши учун зарур бўлган дори-дармон орзон эмас, ҳаттоки уйдаги музлатгич ва бошқа буюмларни сотишга тўғри келди. Маҳалла вакилларига ёрдам сўраб чиқсам – “Эринг 1 200 000 сўм нафақа олади, бундан ташқари катта ўғлинг ва келининг Москвада ўқиб ишлайди...” – деб бизга рад жавоби берилган”. “Меҳригиё” маҳалла қўмитаси вакиллари бир дарахтга қўшиб, саҳнага бағишланган бир умрни кесганини англаганмикан? Ногирон ҳолатидаги инсоннинг етмаётган нафақасига бармоқ ўқталиш тўғрими?

Бугун кунора қария ва ногиронларга эътибор хақида гапирилади. Ўзбек санъат дарғалари наридан бери муносабат кўрар экан, оддий аҳоли ҳақида нима дейиш мумкин? Бу саволлар очиқ қолмоқда...

Биз ҳам таҳририятимиз номидан актёрнинг оила-аъзоларига таъзиямизни изҳор этамиз.  Тўхтамурод Муродовнинг руҳи шод бўлсин!

Шарҳлар

Кун мавзуси: Фото
Об-ҳаво: Ташкент
+9° небольшой проливной дождь
Валюта курси
9528.49
USD -10.67
10319.35
EUR -119.35
150.07
RUB 1.3
rightuz