Наманганлик халқаро фан олимпиадалари ғолибларига ҳоким автомобиль ваъда қиляпти

Кеча, Наманган вилояти ҳокими Хайрулло Бозоров Норин туманида вилоят ёшлари билан мулоқот ўтказди. Вилоят раҳбарининг маълум қилишича, эндиликда халқаро фан олимпиадалари ғолибларини муносиб тақдирлаш йўлга қўйилади. Тан олинган халқаро олимпиадаларда 1-ўринни қўлга киритганларга “Nexia-3”, 2-ўрин эгаларига “Spark”, 3-ўрин соҳибларига “Damas” автомобиллари совға тариқасида тақдим этилади, дея хабар берди вилоят ҳокимлиги матбуот хизмати.