my5
Sevimli

72 - мактабнинг ёпилиши ҳукумат томонидан расман тасдиқланди

ЖАМИЯТ 16.02.2015, 11:25
72 - мактабнинг ёпилиши ҳукумат томонидан расман тасдиқланди

Тошкент шаҳар Яккасарой тумани Халқ Таълими Муассасалари фаолиятини методик таъминлаш ва ташкил этиш бўлими 72-сонли умумтаълим мактабининг биноси Тошкент шаҳар педагогларни қайта тайёрлаш ва малакасини ошириш институти ихтиёрига ўтишини тасдиқлади, дея хабар бермоқда uz24.uz нашри.

Бундан аввал 72-мактаб ўқувчиларининг ота-оналари томонидан Facebook даги “Жамоатчилик назорати” гуруҳига Яккасарой ТХТМФМТТЭБ га тақдим этилган расмий хат жойлаштирилган эди. Унда мазкур мактаб ўқувчилари ва педагогик жамоасини 73-сонли мактабга кўчириш тўғрисида сўз борган.

Тошкент шаҳар ҳокимининг 2015 йил 9 январдаги 10-сонли қарорига асосан, ушбу мактабнинг бино ва иншоотлари Тошкент шаҳар педагогларни қайта тайёрлаш ва малакасини ошириш институти балансига ўтказиш белгиланди. Шу сабабли 351 нафар ўқувчи таҳсил оладиган 72-мактаб жамоаси 73-мактабга кўчирилади. Ота-оналарнинг истакларини инобатга олган ҳолда ўқувчилар яқин ҳудудда жойлашган Яккасарой туманидаги 89-, 91-, 160-сонли ҳамда Миробод туманидаги 110-сонли мактабларда ўқишни давом эттиришлари мумкин бўлади.

Шарҳлар

Кун мавзуси: коронавирус
Об-ҳаво: Ташкент
+11° ясно
Валюта курси
10517.12
USD -8.38
12661.56
EUR -101.66
141.85
RUB 0.76