Му5
8

"Асосий мақсадимиз малакали мутахассислар тайёрлаш"

ЖАМИЯТ 27.01.2020, 19:42
499
"Асосий мақсадимиз малакали мутахассислар тайёрлаш"

Ўзбекистон Республикаси Президентининг 2019 йил 10 апрелдаги “Ўзбекистон Республикасида фавқулодда вазиятларнинг олдини олиш ва бартараф этиш ҳамда ёнғин хавфсизлигини таъминлашнинг сифат жиҳатидан янги тизимини жорий этиш тўғрисида”ги Фармонига асосан Ички ишлар вазирлиги Ёнғин хавфсизлиги институти Ўзбекистон Республикаси Фавқулодда вазиятлар вазирлиги тизимига ўтказилиб, “Академия” мақоми берилди. 

Дарҳақиқат сўнгги йилларда Фавқулодда вазиятлар вазирлиги тизимида кенг кўламли ислоҳотлар амалга оширилмоқда. Ушбу ислоҳотлар натижасида Академияда барча йўналишларда тизимли ишлар амалга оширилмоқда. 

Давлатимиз раҳбарининг 5 та муҳим ташаббусларида белгилаб берилган айнан - ёшларнинг мусиқа, рассомлик, адабиёт, театр ва санъатнинг бошқа турларига қизиқишларини ошириш, истеъдодларини юзага чиқариш, жисмоний чиниқтириш, уларнинг спорт соҳасида қобилиятини намоён қилишлари учун зарур шароитлар яратиш, аҳоли ва ёшлар ўртасида компьютер технологиялари ва интернетдан самарали фойдаланишни ташкил этиш, шунингдек, ёшлар маънавиятини юксалтириш, улар ўртасида китобхонликни кенг тарғиб қилиш бўйича ҳам тизимли ишлар ташкиллаштирилмоқда. Айнан мазкур ташаббуснинг амалдаги ижросини таъминлаш мақсадида, ФВВ Академиясида таҳсил олаётган ёш курсантларимиз, бир қатор тадбирлар ва танловлар ҳамда мусобақаларда муносиб қатнашиб совринли ва фахрли натижаларга эришиб келмоқдалар. Жумладан, 2019 йил 20 май куни Ўзбекистон Давлат драма театрида Ўзбекистон Республикаси Олий ва ўрта махсус таълим вазирлиги  ва Ўзбекистон Ёшлар Иттифоқи билан ҳамкорликда ўтказилган театр фестивалида Академияда ташкил этилган “Матонат” театржамоаси ҳам муносиб иштирок этиб,5 та номинация бўйича турдош олий ўқув юртларининг 5 та театр жамоалари билан беллашдилар. 

Ушбу театр фестивалида саҳна асари ижтимоий ҳаётимизда содир бўлаётган ҳодисалар, ватанпарварлик руҳида ёшларни тарбиялаш, айниқса ёшлар ҳаётини акс эттирувчи ижобий мавзуга бой ёритилганлиги билан “Долзарб мавзунинг саҳнавий талқини учун” номинацияси бўйича Академиянинг “Матонат” театр жамоаси томонидан намойиш этилган “Арслон ҳамласи” номли спектаклига берилгани, шу билан бирга  “Энг яхши талабалар театр студияси раҳбари” номинациясида капитан Фарҳоджон Хожаев тақдирланган бўлса, “Энг яхши эркак роли учун”номинацияси бўйича эса ҳаваскор ижрочилик даражаси, драматик қобилияти, характерини акс эттирувчи имконияти, нутқ маданиятларини намоён эта олгани учун 3-босқич курсанти Санжар Баҳромов тақдирланди. Шунингдек, 2019 йилнинг 16 октябрь куни Ўзбекистон Миллий Университетининг Маданият саройида Ўзбекистон Республикаси Олий ва ўрта махсус таълим вазирлиги  ва Ўзбекистон Ёшлар Иттифоқи билан ҳамкорликда ўтказилган “Қувноқлар ва зукколар” кўрик танловида Академиянинг “FIREMAN” жамоаси ҳам саралаш босқичларида муносиб иштирок этиб, тенгдошларини олқишларига сазовор бўлишди.

Ўзбекистон Республикаси Регби федерацияси томонидан 2019 йилнинг 28 ноябрь кунидан 4 декабрь кунига қадар Ўзбекистон Республикаси Мудофаа вазирлиги ташаббуси билан Ўзбекистон Республикаси Қуролли Кучлар тизимида «Регби-15» спорт тури бўйича ўтказилган очиқ чемпионатда, Академиянинг 22 нафар ходим ва курсантларидан таркиб топган Фавқулодда вазиятлар вазирлиги жамоаси ушбу чемпионатда илк бор иштирокига қарамай «Энг яхши тартиб интизомга эга жамоа» номинацияси кубоги билан тақдирланди. 

2019 йилнинг 26 декабрь куни эса Ўзбекистон Республикаси Фавқулодда вазиятлар вазирлиги Ёнғин хавфсизлиги институтида Ўзбекистон Республикаси Экологик партияси Сергели тумани партия ташкилоти қошидаги 300 – ихтисослаштирилган давлат умумтаълим мактабида ташкил этилган “Жасорат” ватанпарвар тўгараги аъзолари, Академия курсантлари билан ҳамкорликдаги ватанпарварлик ойлиги доирасида “Ватанга хизмат – олий фазилат” шиориостида ўтказилган маънавий-маърифий тадбирда эса таклиф этилган ёшларимизда бир олам таассуротлар қолдирди. 

Ўзбекистон Республикаси Президентининг 2019 йил 13 декабрдаги “Ўзбекистон Республикаси Қуролли Кучлари ташкил этилганлигининг 28 йиллиги ҳамда Ватан ҳимоячилари кунини нишонлашга тайёргарлик кўриш ва ўтказиш чора-тадбирлари тўғрисида”ги фармойиши ижросини таъминлаш, шунингдек, “Ватанпарварлик ойлиги” доирасида, 2020 йилнинг 11 январь куни ФВВ Академиясида “Ватанпарварлик – миллий юксалиш кафолати!” мавзусида ўтказилган “Очиқ эшиклар куни” тадбири чинакам ёшларнинг байрам тадбири бўлди, десам муболаға бўлмайди.

Қизғин ва кўтаринки руҳда ўтказилган тадбирда Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши, Ўзбекистон “Маҳалла” хайрия жамоат фонди, Мудофаага кўмаклашувчи “Ватанпарвар” ташкилотининг Сергели туман кенгаши, Ўзбекистон Ёшлар иттифоқи Сергели туман кенгаши, Яшнобод ва Сергели туманларининг жами 6 та умумтаълим мактаби ўқувчилари ҳамда Сергели тумани касб-ҳунар коллежи ўқувчилари иштирок этиб, ўзларининг нафақат ҳарбий таълим муассасига балки, қутқарувчилик касбига бўлган қизиқишлари янада ортганлигини алоҳида қайд этиш лозим. 

Шунингдек, тадбирда ёнғин ўчириш техникаларининг тактик-техник имкониятлари, аҳоли яшаш уйлари ва масканларда содир бўлган ёнғинларни бартараф этишда ёнғин ўчирувчилар томонидан нафас олишга яроқсиз муҳитда фойдаланиладиган аппаратларнинг тактик-техник хусусиятлари бўйича кўрсатилган ёнғин ўчириш техникаларининг тактик-техник имкониятлари, аҳоли яшаш уйлари ва масканларда содир бўлган ёнғинларни бартараф этишда ёнғин ўчирувчилар томонидан нафас олишга яроқсиз муҳитда фойдаланиладиган асбоб-анжомларнинг тактик-техник хусусиятлари бўйича кўрсатилган кўргазмали намойишларини катта қизиқиш ва ҳаяжон билан томоша қилган ёшларимизнинг нафақат ҳарбий соҳага балки, қутқарувчидек шарафли касбга қизиқиши ва интилишлари ортаётганлигигасабаб бўлмоқда.

Албатта, муҳтарам Президентимиз Шавкат Мирзиёев ташаббуслари билан бугунги кунда ҳарбийларга кўрсатилаётган эътибор ва ғамхўрлик туфайли ёшларнинг ҳарбий соҳага бўлган қизиқиши ва интилиши ортиб бормоқда. Ҳарбий таълим муассасаларида ватанпарварлик руҳини тарғиб қилувчи ўтказилаётган амалий тадбирлар, ўз навбатида, ёшларни ҳарбий-ватанпарварлик руҳида тарбиялашда ўзига хос намуна бўлмоқда. Ёш авлодда қатъий ҳаётий позиция, Ватанга бўлган садоқат туйғусини шакллантириш, ўрта мактабдан олий ўқув юртигача бўлган даврдаги узлуксиз ҳарбий таълим ва ватанпарварлик тарбияси бўйича яхлит тизим яратилмоқда.

Ўзбекистон Республикаси Ҳуқуқни муҳофаза қилувчи органлар ўртасида 2020 йилнинг 11 январь куни Қўл жанги спорт тури бўйича ўтказилган Ўзбекистон чемпионати мусобақасида, ФВВ ходимлари ва Академия курсантларидан таркиб топган терма жамоамиз вакиллари яъни ФВВ терма жамоаси вакилларидан капитан Абдулла Яхшибоев 90+ кг вазнда 3 ўрин, Академия курсанти Аслам Ибрагимов 65 кг вазнда 3 ўрин, Академия курсанти Жавлонбек Иминжонов 60 кг вазнда 2 ўринни эгаллашгани қувонарли ҳол албатта. Шу куни Тошкент шаҳрида Ҳарбий қисмлар ва Ҳарбий олий таълим муассасалари ўртасидаги бўлиб ўтган мини футбол мусобақасида жами 10 та жамоа иштирок этган бўлса, ФВВ Академияси жамоаси фахрли 3-ўринни эгаллади. Шу билан бир қаторда 4-босқич курсанти Фазлиддин Ибрагимов “Энг яхши ўйинчи” номинацияси ғолиби бўлди.

Жорий йилнинг 12 январь куни эса Ўзбекистон Республикаси Жисмоний ва спорт вазирлиги ташаббуси билан Тошкент шаҳрида спортни, айниқса, енгил атлетика – югуриш турини ёшлар ўртасида янада оммалаштириш мақсадида ўтказилган 10 км масофага югуриш марофонида 50 нафардан ортиқ ФВВ ходимлари ва Академия курсантларидан таркиб топган терма жамоамиз вакиллари ҳам муносиб иштирок этдилар. 

Шу билан бирга 2020 йилнинг 14 январь куни пойтахтимизнинг Истиқлол санъат саройида “Ўзбекистон Республикаси Қуролли Кучлари ташкил этилганлигининг 28 йиллиги ҳамда Ватан ҳимоячилари кунига бағишлаб ўтказилган тантанали тадбирда барча ҳарбий олий таълим муассасалари қаторида муносиб иштирок этиб, истеъдодларини намойиш этишди.

Мухтасар қилиб айтганда, жорий йилнинг 24 январь куни давлатимиз раҳбарининг Олий Мажлисга мурожаатномасида 2020 йилга  “Илм, маърифат ва рақамли иқтисодиётни ривожлантириш йили”,  деб ном берилиши замирида ҳам мамлакатимизда илм-фанни янада равнақ топтириш, ёшларимизни чуқур билим, юксак маънавият ва маданият эгаси этиб тарбиялаш борасидаги муҳим амалий ишларни давом эттиришимиз зарур ва асосий мақсадимиз ҳам етук малакали мутахассисларни тайёрлашдан иборат ҳисобланади. 

Муҳтарам Президентимиз таъбири билан айтганда, “Жамиятимизда аҳоли, айниқса, ёш йигит-қизларимизнинг маънавий ва маърифий савиясини доимий юксалтириш – биринчи даражали аҳамиятга эгадир”. Зеро, замонавий билим ва кўникмаларга эга, мамлакатнинг муносиб келажаги учун жавобгарликни ўз зиммасига ола биладиган баркамол, мақсадга интилувчан ва серғайрат ёшларни тарбиялаш бугуннинг энг муҳим вазифаларидан биридир.

 

ДИЛШОД ТОХТАМУРАТОВ,

Фавқулодда вазиятлар вазирлиги 

Академияси бошлиғи в.в.б., полковник.

Шарҳлар

Кун мавзуси: Фото
Об-ҳаво: Ташкент
+16° облачно с прояснениями
Валюта курси
9526.28
USD -2.21
10329.35
EUR 10
148.82
RUB -1.25
rightuz