"Менинг фикрим" жамоавий мурожаатлар порталига IMEI кодларни рўйхатга олишда тўлов ундиришни бекор қилиш бўйича петиция қўйилди. Ва ушбу петиция 3 соат ичида 10 мингдан ортиқ овоз йиғди. Ҳали овоз тўплаш учун белгиланган муддат бор.
Бу ҳақда ҳуқуқшунос Хушнудбек Худойбердиев ўзининг телеграм каналида шундай изоҳ қолдирди.
Мутасадди-коттаконлар, кўряпсизми, халқ иродаси мана шу бўлади. Халқ ўз фикрини қонун йўли билан билдирди. Ҳеч кимни урмади, ҳеч қанақа жанжал қилмади. Шунчаки амалдаги қонунлар орқали демократик йўл билан Сизларга ўз хоҳиш-иродасини билдирди.
Энди қарор қабул қилиш навбати Сизники. Агар Сизга жамоатчилик фикри қизиқ бўлса, унда тўловларни бекор қиласиз. Агар Сизга жамоатчилик фикри мутлақо қизиқ бўлмаса, унда билганингизни қилаверасиз. Балки тўловларни янада қиммат қиларсиз, ким билсин...
