Ўзбекистон Президенти Шавкат Мирзиёев ва Афғонистон Президенти Муҳаммад Ашраф Ғани телефон орқали мулоқот қилишди. Бу ҳақдда Президент матбуот хизмати хабар берди.
Президентлар Наврўз айёми муносабати билан бир-бирларини самимий қутладилар.
Давлатимиз раҳбари Ашраф Ғанини Афғонистон Президенти этиб сайлангани билан табриклади.
Мулоқот чоғида минтақада янги турдаги коронавирус инфекцияси тарқалиши билан боғлиқ жорий вазият ва кўрилаётган чора-тадбирлар муҳокама қилинди.
