Мазкур саволга бугун Ахборот ва оммавий коммуникациялар агентлиги ҳузурида ташкил этилган штабда ўтказилган брифингда Санитария-эпидемиология назорати давлат инспекцияси бошлиғи Нурмат Отабеков жавоб берди.
– Бухоро вилоятида касаллик аниқланганлар сони кескин ошгани аниқ сабаблари бор. Бу вилоятга деярли бир вақтда хориждаги кўпчилик фуқароларимиз олиниб келиниб, карантинга олинган. Дастлаб 239 фуқаро Туркиядан олиб келинган, улар 8 кун давомида Туркия аэропортларида қолиб кетганлар, шароит туфайли эҳтиётсизликка йўл қўйганлар, уларнинг 66 нафарида бу касаллик аниқланди. Бундан ташқари, Россиядан 530 фуқаро олиб келинди, улар ҳам 2-5 кун аэропортларда бўлишган. Улар орасидан ҳам аниқланяпти.
Эслатиб ўтамиз, 6 апрель куни бу вилоятда беморлар сони 19 нафар эди, 7 апрелга келиб беморлар сони кескин ўсиши кузатилган ва улар сони 84 нафарга етган.
