Ўзбекистонда коронавирусга чалинган илк бемор 15 мартда аниқланган эди. Шу куннинг эртасигаёқ Ўзбекистонда коронавирусга оид бир қатор қатъий чоралар белгиланди.16 мартдан барча давлат, нодавлат ва хусусий таълим муассасаларида, жумладан боғча, мактаб, коллеж, лицей ва ОТМларда муддатдан олдин таътил эълон қилинди ва ўқишлар тўхтатилди.
Ўзбекистонга кириш ва Ўзбекистон чиқиш таъқиқланди. Фақат истисно тарзда хориждан келишни истаган юртдошларимизга махсус рейслар ташкил этилди.
Карантин қоидаларини бузганлик учун жиноий жавобгарлик белгиланди ва Президент топшириғига биноан Бош прокуратура бу бўйича назоратни кучайтирди.
Расмий манбаларга кўра, "карантин вақтида ёлғон ва текширилмаган ҳамда одамларда ваҳима яратадиган хабарлар тарқатадиган шахсларга нисбатан амалдаги қонунчилик доирасида жиноий жавобгарликкача бўлган чоралар кўрилади.
Барча давлат ва нодавлат ташкилотлари томонидан мажлис ҳамда бошқа тадбирлар ўтказиш вақтинчалик тўхтатилади.
Айни пайтда эпидемиологик суриштирув ҳамда касаллик тарқалиб кетмаслиги учун барча профилактик чора-тадбирлар тўлиқ амалга оширилмоқда. Назорат кучайтирилмоқда.
Коронавирусга қарши курашиш бўйича ўрнатилган тартиблар ва қоидаларга риоя қилишда тошкентликлар МДХ давлатларидаги шаҳарлар ичида энг интизомли деб топилди. Бу ҳақда Россия телеканали лавҳа тайёрлади.
Видео:
