Ўзбекистонда карантин қачон тугатилади?
Бу саволга Вазирлар Маҳкамаси ҳузуридаги Санитария-эпидемиология назорати давлат инспекцияси бошлиғи Нурмат Атабеков АОКА штабида ўтказилган брифингда қуйидагича жавоб берди.
Кўпчилик мутахассисларнинг фикрича, ёз келиши билан коронавирус эпидемияси камаяди. Айрим олимларнинг фикрича, янги инфекция билан келгусида тахминан дунё аҳолисининг 70 фоизи касалланади.
Натижада инфекцияга қарши иммунитет ҳосил бўлади ва пандемия сезиларли секинлашади ёки умуман тугайди.
Фақатгина қатъий чоралар касаллик авжини бартараф этишга ёрдам беради, шунинг учун ўз-ўзини изоляциялаш режимига риоя қилиш зарур.
