АҚШнинг "New York Post" нашри Шимолий Корея президенти Ким Чен Ин операцияни кўтаролмай вафот этгани ҳақида Япония ОАВларига таяниб хабар бермоқда. Бу ҳақда "Бизнес Online" газетаси ёзди.
Хабарларга кўра, Шимолий Корея етакчиси юрагида жарроҳлик амалиётини ўтказган.
Ким Чен Иннинг соғлиғи ёмонлашгани ҳақидаги миш-мишлар шу ҳафта тармоқларда кенг тарқалди. Жанубий Корея нашрлари унинг юрак қон-томир тизимида муаммо бўлиб, операция қилинганидан сўнг муолажа олаётганини ёзди.
Япон нашрлари эса 2019 йил сўнгидан буён Шимолий Кореяда раҳбар ўзгариши, ҳозирги етакчи ўрнини унинг синглиси Ким Ё Чжон эгаллаши мумкинлиги ҳақида хабарлар тарқатди..
Аввалроқ эса "Reuters" агентлиги Хитой ҳукумати Ким Чен Инни тиббий кўрикдан ўтказиш учун 23 апрель куни Пхеньянга шифокорларини юборгани ҳақида хабар берилганди.
Шимолий Корея раҳбарининг ўлими ҳозирча расман тасдиқланмаган.
