Фуқаро Дониёр Якубов ўзи Тойлоқ тумани ҳокимлиги маданият бўлимида ишлаб келса-да, 2020 йил 15 майда Facebook ижтимоий тармоғидаги “Ҳалқ фикри” номли гуруҳда ўзининг профилидан ўзбек тили ва миллатини камситувчи фикрларни ёзиб қолдирган. Ушбу ҳолат юзасидан аниқлик киритиш мақсадида ИИБ ходимлари унинг уйига борган вақтида ходимларнинг қонуний талабларига бўйсунмай, уларга қаршилик ҳам кўрсатади.
Самарқанд шаҳар маъмурий судида унга нисбатан тўпланган иш 2020 йил 18 май куни очиқ суд мажлисида кўриб чиқилиб, Ўзбекистон Республикаси МЖтКнинг 42, 194-моддаси 1-қисми ва 195-моддалари билан 15 сутка маъмурий қамоқ жазоси тайинланди. Бу ҳақда Самарқанд шаҳар маъмурий суди раиси Ориф Пардаев маълум қилди.
