Эртага, 31 май куни эрталаб, соат 6:00 дан бошлаб Ургут туманида карантин қоидалари кучайтирилади. Бу ҳақда "darakchi.uz"га Самарқанд вилояти Ички ишлар бошқармаси хабар берди.
Белгиланган талабларга кўра, стикерлари мавжуд бўлган автомобилларнинг эркин ҳаракатланиши бекор қилинди.
Эндиликда фақатгина стикерлари мавжуд бўлган автомобилларга эрталаб соат 6:00 дан 10:00гача ва кечки соат 17:00 дан 22:00 гача ҳаракатланишга рухсат берилади.
Стикерсиз ёки белгиланган вақт оралиғидан ташқари ҳаракатланиш карантин қоидаларини бузиш хисобланиб, маъмурий жавобгарликка сабаб бўлади.
