ИШДАГИ ИШҚ! Ёҳуд суратга олиш майдончасидаги севги қиссалари

Санъат соҳасидан йироқ бўлган касб эгаларининг оила қуришлари карьерани давом эттиришга салбий таъсир кўрсатиши мумкин. Бироқ бу ҳолат икки машҳур cанъаткорнинг машҳурлик шоҳсупасидан дадил қадамлар билан юқорилашга яхшигина сабаб бўлади. Англаганингиздек, Голливуддаги кўзга кўринган жуфтликлар билан таништирамиз…    

Анжелина ЖОЛИ ва Брэд БИТТ

Кино соҳасида ўз «мен»ига эга бўлган бу икки актёр «Жаноб Смит ва Смит хоним» номли жангари фильмнинг суратга олиш жараёнида танишиб қолишган. Кинокартина ката экранларга чиққач, яхшигина маблағ тўплаган. Бунга сабаб актёрларнинг қойилмақом ижроси, деб ўйласангиз янглишасиз. Аслида уларнинг сирли севги қиссаси фильм режиссёрини бойитган. Бир-бирига жуда мос бўлган бу жуфтлик 2014 йил тўй қилишди, ҳозирда олти болани катта қилишяпти. Улар доим журналистлар эътиборида. Эмишки, Анжелина ва Брэд шу йилнинг сўнггида ажрашганларини маълум қилишмоқчи. Қизиқ, бу гап-сўз эр-хотин биргаликда суратга тушган «Мовий қирғоқ» («Лазурний берег») номли янги фильмнинг яширин рекламасими? Актриса аллақачон кинокартина ҳақидаги сирларни ошкор қилган. Фильмдаги бош қаҳрамонларнинг оиласига дарз кетади ва улар ажрашишади. «Жуда оғир фильм, Брэд иккимизга осон бўлмади», дейди Анжелина. Ўйлаймизки, уруш-жанжаллар суратга олиш майдончасида қолди.   

Николь КИДМАН ва Том КРУЗ

Николь ва Том илк бор 1989 йили «Момақалдироқли кун» («Дней грома») фильмида учрашишган. Бир неча йилдан сўнг, аниқроғи «Узоқ мамлакат» («Далекая страна») кинокартинасида биргаликда иш бошлаганларида муносабатларини расмийлаштиришган. Бироқ уларни машҳурлик шоҳсупасига яна бир қадам олиб чиққан «Кенг юмилган кўзлар» («С широко закритими глазами») фильми биргаликдаги сўнгги ижод маҳсули бўлиб қолди. Бу ҳамкорликдан кейин икки актёр ажрашишган.

«Атрофдагилар «бу фильм сизларнинг турмушингизга барҳам беради», деб огоҳлантиришганди. Лекни бу фикрга қўшилмайман. Чунки ўша вақтда Том билан жуда яқин эдик», дейди Николь Кидман.

Жонни ДЕПП ва Эмбер ХЕРД

Гонзо-журналистиканинг отаси Хантер С. Томпсоннинг «Ромли кундалик» («Ромовий дневник») асари экранлаштирилади. Ва унда Дэпп ичкиликдан хасталанган ёзувчини, Херд эса унинг севган қизи ролини ижро этади. Энг қизиғи, бу қисса ҳаётда давом этади. Жонни садоқатини исботлаш мақсадида Ванесса Паради билан ажрашиб, 29 ёшли Хердга уйланади.

Женнифер ГАРНЕР ва Бен АФФЛЕК

Бу ижодкорлар 2001 йил катта экранларга чиққан «Перл Харбор» фильмида танишишган. Лекин бу ҳамкорлик уларга машҳурлик онларини тақдим этмаган. Гарнер ва Аффлек ўн йиллик турмушидан сўнг ажрашишди. Ҳатто уч фарзанд ҳам уларни бу қароридан қайтаролмади.

Кристен СТЮАРТ ва Роберт ПАТТИНСОН

Уларнинг севги қиссаси «Зулмат остонасидаги муҳаббат» («Сумерки»)дан бошланган. Эдвард ва Белл Своннинг муҳаббати Кристен ва Робертни ҳаётда ҳам бирлаштирди. Бироқ Стюарт «Оппоғой ва овчи» («Белоснежка и охотник») фильмининг режиссёри Руперт Сандерс сабаб, Робертга хиёнат қилади. Сўнг Кристен ва Робертнинг муҳаббати чиндан ҳам зулмат остонасида қолади.

Моника БЕЛЛУЧЧИ ва Венсан КАССЕЛЬ

Бу актёрлар «Уй» («Квартира») номли француз фильми орқали бир-бирларига меҳр қўйишган. Ундан кейин биргаликда яна олтита кинокартинада ҳамкорлик қилишган. 2013 йили 15 йиллик оила барҳам топди. Франциянинг икки болали бахтли оила вакиллари ўз йўлида давом этишяпти.

Пенелопа КРУС ва Хавьер БАРДЕМ

Мазкур жуфтлик илк бор 1992 йили ғалати номдаги “Дудланган чўчқа гўшти” («Ветчина, ветчина») фильмида суратга тушишган. Шундан сўнг Крус ва Бардем ўн беш йилдан кейин америкалик кинорежиссёр Вуди Алленнинг фильмида учрашишган. Эр-хотин учинчи бор 2013 йил «Маслаҳатчи» («Советник») кинокартинасида ҳамкорлик қилишган.