Namanganda qo`shnisining uyida yolg`iz bo`lgan qizning ziraklarini o`g`irlab ketgan shaxs jazoga tortildi. Bu haqda IIV matbuot xizmatiga tayangan holda “uz24.uz” sayti xabar bermoqda.
Namangan viloyati Namangan tumani ichki ishlar bo`limiga 36 yoshli erkak kishi murojaat qilib, qo`shnilaridan biri uning uyiga kirib o`g`irlik sodir etganligi haqida xabar bergan.
Ma`lum bo`lishicha, qo`shnilaridan biri uning uyiga kirib, uyda yolg`iz bo`lgan qizi 8-sinf o`quvchisining qulog`idan sariq metalldan yasalgan ziraklarini echib olib, voqea joyidan yashiringan.
Tuman ichki ishlar bo`limi xodimlari tomonidan olib borilgan tezkor tadbirlar natijasida ushbu talonchilikni 34 yoshli fuqaro sodir etgani to`liq fosh qilindi va u qo`lga olindi.
Mazkur holat bo`yicha jinoyat ishi qo`zg`atilib, tergov harakatlari olib borilmoqda.