Bayden Isroil va Ukrainaga harbiy yordam berish to`g`risidagi qonun loyihasini ma`qulladi

Bugun 24 aprel kuni AQSh prezidenti Jo Bayden Ukraina, Isroil va Tayvanga 95 milliard dollarlik harbiy yordam ko`rsatish to`g`risidagi qonun loyihasini imzoladi. Bu haqda Oq uy rasmiy saytida ma`lum qilindi.

Yordam paketining umumiy hajmi 95 milliard dollarni tashkil etib, shundan 61 milliard dollari Ukraina uchun mo`ljallangan.

Endi bu qaror kuchga kirishi uchun prezident Jo Bayden tomonidan imzolanishi kerak. Bayden Senatdagi ovoz berishdan so`ng hujjatni darhol imzolashga va`da bergan. Qayd etilishicha, shundan so`ng harbiy yordamning birinchi partiyasi Ukrainaga bir necha kun ichida etkaziladi.

AQSh prezidenti Jo Bayden avvalroq Kongress tomonidan ma`qullangan Ukraina, Tayvan va Isroilga yordam ko`rsatish to`g`risidagi qonunlarni imzoladi.

AQSh prezidenti Jo Bayden Ukraina, Tayvan va Isroilga yordam ko`rsatish to`g`risidagi qonunlarni imzolaganidan keyin maxsus bayonot berdi.

Baydenning bayonotidan asosiy iqtiboslar:

Ukrainaga yangi harbiy yordamni etkazib berish yaqin soatlarda boshlanadi. Ukraina Qurolli Kuchlari havo mudofaasi, artilleriya, raketa tizimlari va zirhli texnikalar uchun o`q-dorilarni oladi;

AQShning ittifoqchilariga yordam berishi Amerikani xavfsizroq qiladi;

Putin Ukrainadan keyin NATO a`zolari hududlariga tanklar bilan bostirib kirishi mumkin;

Amerika o`z do`stlarini qo`llab-quvvatlaydi va diktatorlarga qarshi turadi;

Biz G`azo sektoriga gumanitar yordam etkazish uchun bir necha oydan beri ishlayapmiz. Qo`shma Shtatlar G`azoga 1 milliard dollarlik gumanitar yordam ajratmoqda, Isroil uni kechiktirmasdan va to`siqlarsiz etkazishi kerak.