Сурхондарё вилояти Қумқўрғон тумани ҳоким ёрдамчиси лавозимида 2022 йил 11 январдан буён ишлаб келган У.Т. тадбиркорлик фаолияти билан ҳам шуғуллнган. 2022 йил 29 мартда ўзи таъсисчилигида ташкил этган "VOLUNTEER TEAM" МЧЖни 2023 йил 20 сентябрга қадар бошқариб келиб, таъминотчи сифатида фуқаро М.Э. ва бошқаларни алдаб, уларнинг электрон имзоларини қўлга киритиб, уларнинг номига иссиқхона фаолияти ташкил этиш учун 4 маротаба 33 млн сўмдан жами 132 млн сўм кредит ажратилишига эришадм. У пулларни ўзи раҳбарлик қилаётган жамият ҳисобига тушириб, ўзининг эҳтиёжларига ишлатиб юборган. Бу ҳақда Сурхондарё вилояти прокуратураси Матбуот хизматит хабар бермоқда.
Мазкур ҳолат юзасидан 2023 йил 9 октябрда Қумқўрғон тумани прокуратураси томонидан "VOLUNTEER TEAM" МЧЖ раҳбари У.Т.га нисбатан ЖКнинг 168-моддаси (фирибгарлик) 3-қисми "б,в" бандлари билан жиноят иши қўзғатилган.
Ҳозирда жиноят иши бўйича дастлабки тергов ҳаракатлари Қумқўрғон тумани ИИБ ҳузуридаги Тергов гуруҳи томонидан олиб борилмоқда. Тергов ҳаракатларининг бориши вилоят прокуратураси томонидан назоратга олинган.
