Сурхондарёда дўконларда ёнғин содир бўлди. Бу ҳақда вилоят ҳокимлиги матбуот хизмати Денов туманида содир бўлган ёнғин юзасидан маълумот берди.
Хабар берилишича, 14 июнь куни соат 23:08 да Денов тумани Намозгоҳ маҳалласида жойлашган “Денов барака яшил олами” МЧЖ ҳудудидаги савдо дўконларида ёнғин содир бўлган ва бир қаторда жойлашган 5 та савдо дўконларининг 100 квадрат метр майдонидаги озиқ-овқат маҳсулотлари ёнғиндан зарарланган.
Воқеа жойига Денов, Шўрчи, Олтинсой ва Сариосиё туманлари ФВБларининг 8 та ёнғин-қутқарув экипажлари соат 23:16 да етиб бориб, ёнғин соат 23:25 да қуршаб олинган ва соат 01:10 да батамом ўчирилган.
