Тошкент вилоятининг Бўстонлиқ туманида кетма-кет еттинчи кун тоққа ёлғиз жўнаб кетган пойтахтлик фуқарони излаш ишлари олиб борилмоқда.
Эслатиб ўтамиз, 5 июль куни Тошкент вилояти фавқулодда бошқармасининг навбатчилик қисмига Снежана исмли аёлдан унинг эри Борис Чимёнда йўқолганлиги ҳақида хабар келиб тушди. Маълум бўлишича, эри унга қўнғироқ қилиб, оёғини синдириб қўйганлигини, ФВВдан ёрдам сўрашини айтган.
Тезлик билан қутқарув гуруҳи томонидан қидирув ишлари бошлаб юборилди.
ФВВдан бизга маълум бўлишича, қидирув ишларини омадсиз деб айтиш мумкин. Айни дамда қидирув гуруҳида 30 кишидан иборат ФВВ, ИИБ, ходимлари, кўнгиллилар, альпинистлар қидирув ишларини олиб боришмоқда.
50 ёшли Борисни олиб юрган таксичи уни Қумли довон олдига олиб бориб қўйганини маълум қилди. Аниқ координаталар телефон қўнғироғига қараб аниқланди.
Мутахассисларнинг айтишларича, Қумли довоннинг 10 км радиусидаги барча ерлар қидириб чиқилган, шаршарага тушиб кетиши мумкин бўлган излар йўқ. Йиртқичларнинг ҳамласи эҳтимоли жуда кам, сабаби бу ҳолда кийим қолдиқлари қолиши керак.
Таъкидлаш жоизки, Қумли довон у қадар қийин ва юриш мураккаб бўлган жой эмас. У ерда сайёҳлар ҳам жуда кўп. Ўша ердаги сайёҳлар, чўпонлар ва ўрмончилар сўралган, аммо уларнинг ҳеч бири эркакни кўрмаган. Илк куни қидирув ишларига Мудофаа вазирлигининг вертолёти ҳам қўшилган, аммо бу натижа бермади.
Бориснинг яқин танишларининг ёзишларича, у оилапарвар, беш фарзанднинг отаси бўлган. Шу куни эркак катак кўк-оқ тусдаги кўйлакда, жинси шим, қизил бош киймида бўлган.
ФВВда бизга қидирув ишлари дам этишини маълум қилишди.
27.01.2023, 10:26
Сал аввал ижтимоий тармоқларда Норин дарёсини тўсиб турадиган дамба қулагани ва қирғоғи емирилаётгани айтилган эди. Шундан сўнг, ФВВ вазиятни назоратга олганини маълум қилди. Айни пайтда ҳолат...
12.07.2022, 11:59
Ижтимоий тармоқларда “Тақиқланган жойда чўмилган болаларни қутқарамиз деб қутқарувчиларни ўзи чўкиб кетди” сарлавҳаси остида хабарлар тарқалмоқда. Фавқулодда вазиятлар вазирлиги томонидан ушбу ҳодиса ўрганилди, дея хабар...
28.01.2022, 09:05
Фавқулодда вазиятлар вазирлиги Ўзбекистон Республикасининг тоғли ҳудудларда қор кўчиш хавфини эълон қилди.Маълумот учун, ҳолат 2022 йилнинг 28 январь кунидан 31 январь кунигача давом этиши мумкин.Шунингдек,...
03.01.2022, 16:28
ФВВ маълумотига кўра, 2022 йил 3 январь соат 08:00дан 4 январь соат 08:00гача Чимён ҳудудида қор кўчкиси хавфи эълон қилинди.«Ҳурматли фуқаролар! Эҳтиёткорлик чораларини кўришингизни ва...
