my5

Andijonda YTH sodir etgan ichki ishlar xodimini urib, jarohat etkazishdi

Jamiyat 27.09.2020, 12:08
1192
Andijonda YTH sodir etgan ichki ishlar xodimini urib, jarohat etkazishdi

Ijtimoiy tarmoqlarda Andijon shahrida  “Damas” hamda "Spark" rusumli avtomashinalari ishtirokida yo`l-transport hodisasi sodir bo`lganligi oqibatida “Spark” avtomashina haydovchisi va salon ichidagi yo`lovchi avtomashinadan tushib, “Damas” haydovchisi, ya`ni ichki ishlar xodimini urib, tan jarohati etkazganligi haqida videolavha chiqarilgan.  

Unda aytilishicha, 24 sentyabr kuni soat taxminan 12.00 lar chamasida Andijon shahar IIB 1-sonli milisiya bo`limi huzuridagi tergov bo`linmasi rahbari, kapitan Saidjon  G`ofurjonov o`z boshqaruvida bo`lgan “Damas” rusumli xizmat avtomashinada Andijon shahar, Toshkent ko`chasida yo`l-transport hodisasini sodir etadi.  

Oqibatda harakatlanish qoidasini buzgan holda to`xtab turgan oq rangli “Spark” avtomashinasiga uriladi. “Spark” avtomashina haydovchisi va salon ichidagi yo`lovchi avtomashinadan tushib, “Damas” haydovchisi, ya`ni ichki ishlar xodimi S.G`ofurjonovni urib, tan jaroxati etkazishadi.  

Natijada, S.G`ofurjonov viloyat tez tibbiy yordam shoshilinch kasalxonasiga tushib qoladi. Qizig`i shundaki, ichki ishlar xodimi holidan bironta IIO vakili xabar olmagan.  

Bunga videoda xodimni urayotgan fuqaro Xasan Ergashev bo`lib sabab sifatida aytilmoqda. Ya`ni ushbu shaxs prezidentning kichik kuyovi Otabek Umarovga yaqin aloqasi borligi hamda Dog`istonlik UFC jangchisi X.Nurmagomedovni yaqin do`sti ekanligi aytilmmoqda. 

Bosh prokuratura Matbuot kotibining ma`lum qilishicha, mazkur holat yuzasidan Andijon viloyati prokuratura organlari tomonidan tergovga qadar tekshiruv harakatlari olib borilmoqda.  

Hodisa ishtirokchilariga etkazilgan tan-jarohatlari, xususiyatlari va og`irlik darajasini aniqlash yuzasidan sud-tibbiy ekspertizasi tayinlangan.

Tekshirish natijalari bo`yicha qonuniy qaror qabul qilinishi ta`minlanadi va bu haqda jamoatchilikka batafsil ma`lumot etkaziladi.

 

Шарҳлар