my5
Sevimli

Fohishalik bilan shug`ullanuvchi guruhni internetda reklama qiluvchi 32 yoshli erkak qo`lga olindi

Jinoyat 19.11.2020, 19:50
Fohishalik bilan shug`ullanuvchi guruhni internetda reklama qiluvchi 32 yoshli erkak qo`lga olindi

Sal avval «Toshkentda olti yildan buyon fohishalik bilan shug`ullanuvchi yirik uyushgan guruh a`zolari qo`lga olingan»i hamda tergov harakatlari olib borilayotgani haqida xabar berilgandi.

Toshkent viloyati IIBB Terrorizm va diniy ekstrimizmga qarshi kurashish boshqarmasi xodimlari tomonidan ushbu jinoiy guruhning yana bir faol a`zosi kecha, 18 noyabr kuni qo`lga olingan. Bu haqda Toshkent viloyati IIBB xabar qildi.

Tezkor xodimlar tomonidan olib borilgan surishtiruvlar davomida, o`zini «Roma» deb tanishtiruvchi ushbu shaxs – 1988 yilda tug`ilgan Yashnobod tumanida yashovchi T.M. ekanligi, fohishaxona saqlash, qo`shmachilik qilish va odam savdosi kabi jinoiy faoliyat bilan shug`ullanuvchi guruhning faol a`zosiligi aniqlangan.

Shuningdek, surushtiruv davomida u moddiy (har bir e`lon uchun 50 dan 500 AQSh dollarigacha) daromad evaziga, jinsiy xizmat ko`rsatuvchi fohishalarning massaj va intim xizmati e`lonlarini, bir qator yoshlar orasida ommalashgan saytlar (“uzpopka.com”, “chpok.uz” hamda “Massajistki Tashkenta”), shuningdek, telegram, instagram, tik tok va ijtimoiy tarmoqlarga muntazam ravishda joylab kelganligi aniqlangan va uning yashash xonadoni tintuvdan o`tkazilgan.

Tituv davomida:

  • 29 014 AQSh dollari;
  • 4.880.000 so`m pul;
  • 10 dona plastik kartochkalar;
  • 2 dona chegirma plastik kartochkalari;
  • 4 dona xorijiy davlatlarning ishlatilmagan va 2 dona ishlatilgan SIM-kartalar;
  • 2 dona elektron xotira (flesh karta);
  • 3 dona “Redmi” rusumli telefon apparati;
  • 1 dona “HP” noutbuk va boshqa noqonuniy buyumlar ashyoviy dalil sifatida olingan.

Hozirda mazkur holat yuzasidan viloyat IIBB xodimlari tomonidan tezkor surishtiruv harakatlari olib borilmoqda, deyiladi xabarda. 

Шарҳлар