my5
Sevimli

Andijonda 19 yoshli haydovchi sodir etgan YTH ona va bolaning vafoti bilan yakun topdi. Mas`ullar qanday izoh berishadi? Ayb kimda? (Video)

Jinoyat 20.11.2020, 15:06
Andijonda 19 yoshli haydovchi sodir etgan YTH ona va bolaning vafoti bilan yakun topdi. Mas`ullar qanday izoh berishadi? Ayb kimda? (Video)

Andijon viloyatining Xo`jaobod tumani hududidan o`tuvchi xalqaro ahamiyatga molik yo`l trassasida o`lim bilan bog`liq YTH sodir etildi. Ushbu yo`l transport hodisasini Xo`jaobod tumani Chiroqchi mahallasida yashovchi 2001 yida tug`ilgan fuqaro sodir etgan. U o`zining "Spark" avtomashinasida avtomobil yo`lining belgilanmagan hududini kesib o`tayotgan xo`jaobodlik o`qituvchi va uning o`g`lini urib yuborgan. YTHda jabr ko`rgan ayol voqea joyida vafot etgan. Uning 2 sinfda o`qiydigan 11 yoshli o`g`li esa shifoxonada ko`rsatilgan muolajalarga qaramasdan vafot etgan. Bu haqda YHXBB xabar berdi

Mas`ullar voqea joyiga kelib, holatni o`rganganlarida shu narsa ma`lum bo`ldiki, mazkur aholi punkti oldidan o`tgan serqatnov trassada aynan mazkur YTH sodir bo`lgan joyda yo`lni yoritish chiroqlari yonmagan bo`lgan. Voqeaga birinchi tomondan yo`lovchilarning belgilanmagan joydan yo`lni kesib o`tganligi sabab bo`lsa, ikkinchi tomondan bu hududda stolbalardagi chiroqlar yonmagani ko`rishni qiyinlashtirgan. 

Qolaversa, haydovchi ham aholi yashash punktidagi avtomobil yo`lidan o`tayotganda tezlikni kamaytirmagan. Oqibatda ushbu hodisa natijasida ikki nafar begunoh fuqaro (ularning biri yosh bola) halok bo`ldi.

Bu erda kim aybdor degan savolga javob topish juda murakkab. Qolaversa, aybdorni izlashga endi kech. Vafot etganlarni baribir qaytarib bo`lmaydi. Asosiysi shunday holatlar sodir bo`lmasligi uchun har kim o`z hayotiga o`zi mas`ul bo`lib, yo`l harakati qoidalarilariga amal qilishi kerak. Video:

Шарҳлар