my5
Sevimli

Dzyudo bo`yicha yoshlar o`rtasidagi O`zbekiston chempionati g`oliblari aniqlandi (foto)

Sport 22.11.2020, 20:49
Dzyudo bo`yicha yoshlar o`rtasidagi O`zbekiston chempionati g`oliblari aniqlandi (foto)

Biroz avval poytaxtimizdagi "Unisversal" sport majmuasida dzyudo bo`yicha yoshlar o`rtasidagi O`zbekiston chempionati yakunlandi.

Uch kun davom etgan musobaqada Qoraqalpog`iston Respublikasi, barcha viloyatlar hamda Toshkent shahridan 400 nafarga yaqin dzyudochilar jami 16 ta vazn toifasi (8 tadan bolalar va qizlar)da medallar uchun tatamiga chiqishdi. Musobaqaning so`nggi kuni og`ir vaznda bellashuvlar o`tkazildi. O`g`il bolalar -100 va + 100 kg, qizlar esa -78 hamda +78 kg vazn toifalarida o`zaro g`olib va sovrindorlarni aniqlashdi. 

O`z vazn toifalarida Toshkent shahri vakillari - Muzaffarbek To`raboev, Shoxruhxon Baxtiyorov, xorazmlik dzyudochilar - Irisxon Qurbonboeva va Xosiyat Masharipova O`zbekiston chempioni bo`lishdi. G`olib va sovrindorlarga medal, diplom hamda qimmatbaho sovg`alarni O`zbekiston Milliy olimpiya qo`mitasi prezidenti Rustam Shoabdurahmonov, MOQ vise-prezidenti, O`zbekiston dzyudo federasiyasi raisi Azizjon Kamilov, O`zbekiston zamonaviy beshkurash federasiyasi raisi Bahromjon Gaziev va boshqa mutasaddilar topshirishdi.      

G`olib va sovrindorlar

O`g`il bolalar: 

-100 kg vazn toifasi (18 ishtirokchi)

1. Muzaffarbek To`raboev (Toshkent shahri)

2. Ernazar Sarsenbaev (Qoraqalpog`iston)

3. Rufat Xudakov (Toshkent shahri)

3. O`tkirbek To`raboev (Toshkent shahri)

+100 kg (15 ishtirokchi)

1. Shoxruhxon Baxtiyorov (Toshkent shahri)

2. Islombek Ravshanqulov (Toshkent shahri)

3. Shoxruh Mamarasulov (Surxondaryo)

3. Temur Xajiev (Xorazm) 
 

Qizlar: 

-78 kg (8 ishtirokchi)

1. Irisxon Qurbonboeva (Xorazm)

2. Mohinsaxon Husanova (Andijon)

3. Gulchehra Bobomurotova (Samarqand)

3. Pokiza Kamoliddinova (Farg`ona)
 

+78 kg (5 ishtirokchi)

1. Xosiyat Masharipova (Xorazm)

2. Charosxon Ozadova (Xorazm)

3. Dilfuza Rustamova (Toshkent viloyati)  

 

 

 

Шарҳлар