Kuni kecha ijtimoiy tarmoqlarda Namanganda akasi tomonidan molxonaga qamab qo`yilgani aytilayotgan nogiron qizning videosi tarqaldi.
Holat jamoatchilik tomonidan keng muhokama qilindi. Shundan so`ng, Davlatobod tumani Axborot xizmati tomonidan voqeaga aniqlik kiritish maqsadida vaziyat o`sha xonadonga borib o`rganildi. Ma`lum bo`lishicha, videodagi nogiron, ya`ni tug`ma aqli zaif qiz 1970 yilda Namangan shahrida tug`ilgan Ziyadova Yulduzxon bo`lib, ayni paytda akasi Ziyadov Erkin bilan birga tumanning Yuqori Rog`iston MFYda yashaydi.
Akaning videodagi holatga izoh berishicha, qiz har doim xovlining turli joylarida istagan paytida aylanib yuradi, xususan, molxonaga borib mollarga ham emishlar berib yurgan. O`sha kuni ham har doimgidek xovlining paski tomoniga aylanib borgan va o`tinxonaga kirib o`zini ustidan bilmagan holda quflab qo`ygan. Qaytib ochishga aqli etmay, baqirib yordam so`ragan. Voqae sodir bo`lgan paytda uyda qizning akasi va kelinoyisi bo`lmagan ekan.
Mazkur oila haqida MFY raisining fikr bildirishicha, avvalllari bu xonadonda kelishmovchiliklar bo`lgani haqida eshitilmagan. Doim tinch, nogiron qiz aka va uning oilasi tomonidan nazoratda bo`lib kelgan.
Endilikda xonadonga tashrif buyurgan mas`ullar tomonidan Ziyadova Yulduzxonga tibbiyo yordam ko`rsatish uchun uni shifoxonaga yotqiziladigan bo`ldi.
