my5
Sevimli

O`zbekiston san`at va madaniyat institutining 1-kurs talabasi 5 kundan buyon komada. Otasi aybdorlarni jazoga tortilishini talab qilmoqda

Jamiyat 26.02.2021, 14:34
O`zbekiston san`at va madaniyat institutining 1-kurs talabasi 5 kundan buyon komada. Otasi aybdorlarni jazoga tortilishini talab qilmoqda

Komada yotgan talaba Jahongir Akramovning otasi Odiljon Valiev Kun.uz'ga murojaat qilib, o`g`li Respublika shoshilinch tibbiy yordam ilmiy markazida bir necha kundan beri hushsiz yotgani, aybdorlar haqida ma`lumot yo`qligini ma`lum qilgan. 

Ota o`g`lining kasalxonaga tushganini eshitgach, Rossiyadagi ishini tashlab, 21 fevral kuni Toshkentga etib kelgan. 

" – O`g`lim 20 fevraldan beri koma holatida yotibdi. Shifokorlarga rahmat. Barcha kerakli muolajalarni qilishmoqda. Lekin o`g`limni kim urgan, necha nafar bola bo`lgan – menga qorong`i.

Hozircha ikki kishi urganganini aytishmoqda. Lekin men buni ikki kishi qilganiga ishonolmayapman. Aybdorlar jazosini olishi kerak", – degan bemorning otasi.

 

Holatga oydinlik kiritish uchun Kun.uz muxbiri  O`zbekiston san`at va madaniyat institutining kafedrasi mudiri A`zamjon Abduxalilov bilan uchrashgan. Mudirning ta`kidlashicha, Respublika shoshilinch tibbiy yordam ilmiy markazi Neyroxirurgiya bo`limida komada yotgan O`zbekiston san`at va madaniyat institutining  1-bosqichi talabasi Jahongir Akramov bilan oldin bunaqa holat bo`lmagan. Darslarda ham quvnoq va faol  bo`lgan. Jahongir bilan urishgan va unga shikast etkazgan bola institut talabasi bo`lmagan. Shuningdek, janjal institut hududida bo`lmaganini aytgan. 

Neyroxirurgiya bo`limi shifokorlarilarning aytishicha, Jahongir 19 fevral kuni tez tibbiy yordam markaziga olib kelingan. Jarohatlar jiddiyligi sababli bu haqda IIBga ma`lum qilingan. Shifokorlar talaba kechasi soat 2:00larda operasiya qilingani, kerakli barcha muolajalar olib borilgani, bemor hamon koma holatida ekanini aytishdi.

Voqea tafsilotlarini o`rgangan profilaktika katta inspektori Ravshan Qurbonaliev aytishicha, kelishmovchilik dastlab Jahongir va uning kursdoshi o`rtasida boshlangan. Jahongir uning yuziga urib, burnini qonatgan. Buni eshitgan kursdoshining ukasi institutga kelib, Jahongirni tashqariga olib chiqib, o`zaro tortishayotgan vaqtida bexosdan Jahongirni itarib yuborgan. Jahongir boshi bilan erga tushgan. Orqa miyasi shikastlangan va tez yordam mashinasi bilan shifoxonaga olib borilgan.

Inspektor shifoxonada Jahongir bilan suhbatlashgan paytida yigitning ahvoli yaxshi  bo`lganini va «da`voyim yo`q» deb yozib berganini aytgan. 

Jahongir koma holatiga tushgandan so`ng buvasi qayta ariza bergan. 

Jahongir hushiga kelsa, tibbiy ekspertizadan o`tkazilishi, hozir uni urgan bolani qamab qo`yishga haqqi yo`qligini aytgan  profilaktika katta inspektori keyinchalik sayt muxbiri qayta bog`langanda holat yuzasidan jinoyat ishi qo`zg`atilganini ma`lum qilgan.

 

 

Шарҳлар