my5
Sevimli

Ўзбекистон санъат ва маданият институтининг 1-курс талабаси 5 кундан буён комада. Отаси айбдорларни жазога тортилишини талаб қилмоқда

ЖАМИЯТ 26.02.2021, 14:34
Ўзбекистон санъат ва маданият институтининг 1-курс талабаси 5 кундан буён комада. Отаси айбдорларни жазога тортилишини талаб қилмоқда

Комада ётган талаба Жаҳонгир Акрамовнинг отаси Одилжон Валиев Kun.uz'га мурожаат қилиб, ўғли Республика шошилинч тиббий ёрдам илмий марказида бир неча кундан бери ҳушсиз ётгани, айбдорлар ҳақида маълумот йўқлигини маълум қилган. 

Ота ўғлининг касалхонага тушганини эшитгач, Россиядаги ишини ташлаб, 21 февраль куни Тошкентга етиб келган. 

" – Ўғлим 20 февралдан бери кома ҳолатида ётибди. Шифокорларга раҳмат. Барча керакли муолажаларни қилишмоқда. Лекин ўғлимни ким урган, неча нафар бола бўлган – менга қоронғи.

Ҳозирча икки киши урганганини айтишмоқда. Лекин мен буни икки киши қилганига ишонолмаяпман. Aйбдорлар жазосини олиши керак", – деган беморнинг отаси.

 

Ҳолатга ойдинлик киритиш учун Kun.uz мухбири  Ўзбекистон санъат ва маданият институтининг кафедраси мудири Aъзамжон Aбдухалилов билан учрашган. Мудирнинг таъкидлашича, Республика шошилинч тиббий ёрдам илмий маркази Нейрохирургия бўлимида комада ётган  институтнинг  1-босқич талабаси Жаҳонгир Aкрамов билан олдин бунақа ҳолат бўлмаган. Дарсларда ҳам қувноқ ва фаол  бўлган. Жаҳонгир билан уришган ва унга шикаст етказган бола институт талабаси бўлмаган. Шунингдек, жанжал институт ҳудудида бўлмаганини айтган. 

Нейрохирургия бўлими шифокорларининг айтишича, Жаҳонгир 19 февраль куни тез тиббий ёрдам марказига олиб келинган. Жароҳатлар жиддийлиги сабабли бу ҳақда ИИБга маълум қилинган. Шифокорлар талаба кечаси соат 2:00ларда операция қилингани, керакли барча муолажалар олиб борилгани, бемор ҳамон кома ҳолатида эканини айтишди.

Воқеа тафсилотларини ўрганган профилактика катта инспектори Равшан Қурбоналиев айтишича, келишмовчилик дастлаб Жаҳонгир ва унинг курсдоши ўртасида бошланган. Жаҳонгир унинг юзига уриб, бурнини қонатган. Буни эшитган курсдошининг укаси институтга келиб, Жаҳонгирни ташқарига олиб чиқиб, ўзаро тортишаётган вақтида бехосдан Жаҳонгирни итариб юборган. Жаҳонгир боши билан ерга тушган. Орқа мияси шикастланган ва тез ёрдам машинаси билан шифохонага олиб борилган.

Инспектор шифохонада Жаҳонгир билан суҳбатлашган пайтида йигитнинг аҳволи яхши  бўлганини ва «даъвойим йўқ» деб ёзиб берганини айтган. 

Жаҳонгир кома ҳолатига тушгандан сўнг буваси қайта ариза берган. 

Жаҳонгир ҳушига келса, тиббий экспертизадан ўтказилиши, ҳозир уни урган болани қамаб қўйишга ҳаққи йўқлигини айтган  профилактика катта инспектори кейинчалик сайт мухбири қайта боғланганда ҳолат юзасидан жиноят иши қўзғатилганини маълум қилган.

 

 

Шарҳлар

Кун мавзуси: коронавирус
Об-ҳаво: Ташкент
+18° ясно
Валюта курси
10475.41
USD -2.51
12469.93
EUR 9.59
135.43
RUB -0.33