Butun dunyoda mashxur “Kichkintoy sayrga chiqdi” komediyasining premerasi 1994 yilda bo`lib o`tgan. Komediya suratga olinayotgan vaqtda bosh qahramon egizak Adam va Jeykob 9 oylik edi. Hozir o`sha Bu rolini ijro etgan aktyorlar 27 yoshda. Endi esa film tarixiga oid qiziqarli ma`lumotlar bilan tanishing.
Bolalarning onasi – Syuzan Uorton oddiygina uy bekasi edi va o`z vaqtini egizak farzandlarining tarbiyasiga bag`ishlagan.
Syuzan “Egizaklar onasi” guruhining a`zosi edi. 26 yil avval shu guruhga suratga olinajak “Kichkintoy sayrga chiqdi” komediyasining bosh qahramonini topish uchun rasmiy so`rov kelib tushgan.
Dastlab kichkintoy Buning roliga bolalar qidirilganida, ular kuniga 4 soatdan ko`p ishlay olmasligi va buning natijasida suratga olish ishlari uzoqqa cho`zilishi inobatga olingan.
Rejissor shuning uchun ham filmning premerasini kechiktirilishini xohlamagan va buning echimini topgan. U egizak bolalarning almashib rol ijro etishi vaqtni tejashini tushunib etgan va bosh qahramon uchun bir xil egizak bolalarni izlashga qaror qilgan.
Syuzan Uorton o`z omadini sinab ko`rishga qaror qilib, kastingga egizak chaqalog`ining fotosuratini yuboradi. Oradan bir hafta o`tgach, Adam va Jeykob Uorton kichik Buning roliga tasdiqlangani haqida xabar kelgan. O`sha vaqtda ular endigina 9 oylik edi. Ammo egizaklar o`z vazifasini muakammal darajada uddalagan, film esa nafaqat Amerikada, balki boshqa mamlakatlarda ham muvaffaqiyatga erishgan.
Ko`plab rejissorlarning taklifiga qaramay, egizaklar boshqa filmlarda suratga tushmagan. Hozirda ular aktyor bo`lish nimaligi va unga qanday amal qilishni bilmaydi. Ularning onasi Syuzan farzandlari uchun mashhurlikdan uzoq bo`lgan oddiy hayotni tanlagan.
Aktyorlar Adam va Jeykob o`rta maktabni muvaffaqiyatli tamomlab, Delaver universitetiga o`qishga kirgan. Yigitlar bir-biriga o`xshash bo`lgani bilan, hayotga qarashi turlicha.
Adam Robert o`quvchilik paytidan beri moda olamiga qiziqib kelgan. U dizaynerlikda o`qib yurgan vatqidayoq ilk to`plamini taqdim etgan. Diplomga ega bo`lgach, o`z kasbida jiddiy faoliyat yurita boshlagan. Adam zamonaviy kiyimlar yaratadi, Evropa bo`ylab sayohat qiladi. U moddiy jihatdan ancha oyoqqa turib olgan. Ijtimoiy tarmoqlarni faol ravishda qo`llab-quvvatlovchi Adam hali oila qurmagan.
Jeykob Jozef esa ota kasbini tanlashga qaror qilgan. U bolaligidanoq mazali taom tayyorlashni va oshxonada tajriba qilishni yaxshi ko`radi. U ota-onasidan o`rnak olgan holda ular bilan maslahatlashib ish tutadi. Kelajakda Jeykob restoran biznesi bilan shug`ullanishni rejalashtirgan va o`z orzusini hanuzgcha o`zgartirmagan. Hozirda kichik Uorton kasalxonada oshpaz bo`lib ishlaydi.
Shuningdek, restoran boshqaruvini xotirjamlik bilan o`z zimmasiga olishi mumkinligini ham istisno qilmaydi. Bundan tashqari, Jeykob allaqachon novvoy bo`lib ishlab, o`ziga xos shirinliklar ishlab chiqargan. Kichik Uorton ham hali oila borasida o`ylab ko`rmagan.
