my5
Sevimli

Tatariston Prezidenti O`zbekiston delegasiyasini qabul qildi

Siyosat 10.09.2021, 20:17
Теглар: Turizm va sport vazirligi
Tatariston Prezidenti O`zbekiston delegasiyasini qabul qildi

9 sentyabr kuni Tatariston Respublikasi Prezidenti Rustam Minnixanov Qozon shahrida O`zbekiston Respublikasi Bosh vaziri o`rinbosari - Turizm va sport vaziri Aziz Abduhakimovni qabul qildi.

Unda Tatariston tomondan Respublika Bosh vaziri o`rinbosari Marat Zyabbarov, Davlat turizm qo`mitasi raisi Sergey Ivanov, Rossiya Federasiyasi Tashqi ishlar vazirligining Qozon shahridagi vakili Radik Vaxitov, Sport vazirining birinchi o`rinbosari Xalil Shayxutdinov va savdo-sanoat vaziri o`rinbosari Geman Lerner, O`zbekiston tomondan – mamlakatimizning Tataristondagi Bosh konsuli Farid Nasriev, Milliy Olimpiya qo`mitasi Bosh kotibi Oybek Kasimov va Toshkent viloyati hokimi o`rinbosari Jamshid Babadjanov ishtirok etdi.

Tatariston Prezidenti yuqori darajali barcha tashriflar, hukumatlararo va idoralararo doimiy uchrashuvlar O`zbekiston hamda Tatariston o`rtasidagi samarali va barqaror hamkorlikning yorqin dalili ekanini ta`kidlab, O`zbekiston delegasiyasining Qozon shahriga tashrifi buni yana bir bor tasdiqlashini qo`shimcha qildi.

Rustam Minnixanov O`zbekiston Prezidenti Shavkat Mirziyoevga Tatariston Respublikasi  bilan hamkorlikka bo`lgan e`tibor va qo`llab-quvvatlash uchun minnatdorchilik bildirdi.

“Bizning o`zaro aloqalarimiz va qo`shma loyihalarimiz O`zbekiston va Rossiya o`rtasidagi aloqalarni mustahkamlashga yo`naltirilgan. Ikki mamlakat prezidentlari tomonlararo munosabatlarni yanada rivojlantirish uchun barcha sharoitlarni yaratishda davom etish muhim deb hisoblaydilar”, - dedi Tatariston Respublikasi Prezidenti.

Shu bilan birga, Rustam Minnixanov joriy yilning iyul oyida O`zbekistonga amalga oshirgan tashrifi hamda O`zbekiston Prezidenti bilan uchrashuvini iliqlik bilan yodga oldi.

Tatariston Prezidenti Shavkat Mirziyoev rahbarligi ostida mamlakatda amalga oshirilayotgan ijtimoiy-iqtisodiy islohotlar mahalliy aholi hamda xorijiy sayyohlarga yaqqol sezilayotganini alohida qayd etdi.

Aziz Abduhakimov, o`z o`rnida, O`zbekiston-Tatariston o`rtasida ko`p tomonlama, xususan turizm, madaniy meros va sport sohalarida hamkorlik aloqalarini rivojlantirish haqida so`z yuritdi va bunda xalqaro tadbirlarning o`rni nihoyatda muhim ekanini ta`kidladi.

Qabul doirasida Rustam Minnixanov o`zbekistonliklarni kelgusida Tataristonda o`tkazilishi kutilayotgan sport tadbirlarida ishtirok etishga chaqirdi.

“Biz yirik sport tadbirlarini o`tkazish bo`yicha katta tajribaga egamiz. Yaqin yillarda Tataristonda qator yirik xalqaro sport tadbirlari o`tkazilishi rejalashtirilgan. Ularda o`zbekistonlik ishtirokchilarni ko`rishdan juda xursand bo`lamiz”, - dedi Tatariston Respublikasi Prezidenti.

Шарҳлар

MOQ vakillari “Jismoniy tarbiya va sport a`lochisi” ko`krak nishonlari bilan taqdirlanishdi

13.11.2021, 15:30

O`zbekiston Respublikasi Turizm va sport vazirining buyrug`iga binoan mamlakatimizda yosh avlodning intellektual va ma`naviy salohiyatini yuksaltirish, jismoniy tarbiya va sportni ommalashtirish, aholi, ayniqsa, yoshlar o`rtasida...
Og`ir atletika bo`yicha Jahon chempionatida o`zbekistonlik qiz biryo`la ikkita medalga sazovor bo`ldi

08.10.2021, 15:54

"Saudiya Arabistonining Jidda shahrida bo`lib o`tayotgan og`ir atletika bo`yicha o`smirlar o`rtasidagi Jahon chempionatining kechagi bahslari vakillarimiz uchun muvaffaqiyatli kechdi",–deya xabar bermoqda Turizm va sport vazirligi. Qizlar...
Toshkentdagi Abdulla Qodiriy muzeyida adib xotirasiga bag`ishlangan tadbirlar boshlandi

05.10.2021, 11:22

Kecha, 4 oktyabr kuni Abdulla Qodiriy nomidagi memorial muzeyda “Abdulla Qodiriy – O`zbek adabiyoti xazinasidan” mavzusidagi ma`naviy-ma`rifiy tadbir bo`lib o`tdi. Bu haqda Turizm va sport...
Futbol: O`zbekiston milliy terma jamoasi yig`iniga kimlar jalb etildi?

01.10.2021, 16:04

Oktyabr oyidagi FIFA kunlari doirasida O`zbekiston milliy terma jamoasi Malayziya va Iordaniyaga qarshi o`rtoqlik o`yinlarida ishtirok etadi. Terma jamoa bosh murabbiyi Srechko Katanes mazkur o`yinlar...