O`zbekiston futbol assosiasiyasi Ustaviga asosan joriy yil 25 sentyabr kuni soat 14:30da Toshkent shahri, Olmazor ko`chasi, 6-uy manzilida joylashgan O`zbekiston Milliy Olimpiya qo`mitasi majlislar zalida O`FAning navbatdagi hisobot-saylov Kongressi bo`lib o`tadi. Bu haqda O`FA Matbuot departamenti xabar berdi.
O`FAga a`zo tashkilotlar tomonidan jami 24 nafar nomzod lavozimlar kesimida kelib tushdi. O`FA Saylov qo`mitasi tomonidan amalga oshirilgan hisob-kitob natijalariga ko`ra, nomzodlarning quyidagi ro`yxati shakllantirildi. Jumladan:
O`FA Prezidenti lavozimiga:
- Azizov Abdusalom Abdumavlonovich
O`FA Birinchi vise-prezidenti lavozimiga:
- Irmatov Ravshan Sayfiddinovich
O`FA Vise-prezidenti (2ta) lavozimlariga:
- Ikramov Azizbek Isroilovich
- Usmanov Jaxangir Mirabrorovich
- Abdullaev Mehriddin Razzoqovich
- Zikriyaev Raxmiddin Egamovich
- Isroilov Shoakrom Xolmatovich
- Karimov Dilshod Murodjanovich
Ijroiya qo`mita (9 ta) a`zoligiga:
- Mirobidova Edita Lukmanovna
- Abduvaxitov Abdujabbor Abdusattarovich
- Isoqov To`lagan O`lmasovich
Qolgan 13 ta nomzod O`FA Ustavining 30-moddasi 3 bandiga asosan kamida 3 ta a`zo tashkilot tomonidan qo`llab-quvvatlanmaganligi sababli ro`yxatga kiritilmadi.
O`zbekiston futbol assosiasiyasining navbatdagi hisobot-saylov Kongressi kun tartibi:
1.) O`zbekiston futbol assosiasiyasining 2021 yil 19 iyunda o`tkazilgan navbatdan tashqari Kongress bayonini tasdiqlash.
2.) O`zbekiston futbol assosiasiyasining tasdiqlangan Ustaviga asosan mustaqil qo`mitalar va yurisdiksiya organlarining faoliyatini samarali tashkil etish to`g`risida.
3.) Moliyaviy hisobot va yillik hisobotni o`z ichiga olgan yillik auditorlik hisobotni tasdiqlash.
4.) O`zbekiston futbol assosiasiyasi faoliyati to`g`risidagi hisobot.
5.) O`zbekiston futbol assosiasiyasi Prezidenti, Vise-prezidentlari va Ijroiya Qo`mita a`zolarini saylash
