Internet nashrlaridan birida koronavirus infeksiyasiga qarshi kurashish ishlariga jalb etilgan tibbiyot xodimini ijtimoiy va moddiy qo`llab-quvvatlash maqsadida davlat tomonidan ajratilgan maxsus qo`shimcha pul mablag`i o`z vaqtida to`lab berilmayotgani haqida xabar tarqaldi.
Unda Andijon viloyati Izboskan tumani O`rtaariq mahallasida yashagan, Respublika shoshilinch tibbiy yordam ilmiy markazi Andijon filialida vrach-reanimatolog bo`lib faoliyat yuritgan Abdunazar Abdug`afforov 2020 yilning 20 iyulida mazkur filial direktori buyrug`i bilan viloyat yuqumli kasalliklar shifoxonasiga koronavirusga chalingan bemorlarni davolash uchun tashkil qilingan gospitalga safarbar etilgani, kasallarni davolash davrida koronavirus infeksiyasini yuqtirib olgani, kerakli muolajalarga qaramay, 2020 yil 3 oktyabrda vafot etgani aytiladi.
Biroq o`tgan davr mobaynida tegishli qarorga muvofiq, uning oila a`zolariga 250 million so`m miqdoridagi bir martalik pul mablag`i to`lab berilmayotgani ma`lum qilingan.
Qayd etilishicha, mazkur holat Sog`liqni saqlash vazirligi tomonidan to`liq nazoratga olindi.
"O`rganish natijalari haqida qo`shimcha ma`lumot beramiz",–deyiladi xabarda.
04.12.2021, 10:40
Koronavirus: kecha yurtimizda kasallanganlar va sog`ayganlar soni 200 nafardan oshdi, yana 3 nafar bemor vafot etdi.2021 yil 3 dekabr holatiga ko`ra, O`zbekistonda koronavirus infeksiyasi qayd...
02.12.2021, 10:11
Kecha O`zbekistonda yana 210 nafarga yaqin kishida koronavirus infeksiyasi aniqlanib, kasallikdan 3 nafar bemor vafot etdi.SSVning ma`lumot berishicha, 2021 yil 1 dekabr holatiga ko`ra, O`zbekistonda...
27.11.2021, 11:19
2021 yil 26 noyabr holatiga ko`ra, O`zbekistonda koronavirus infeksiyasi qayd etilganlar soni 192599 (+218) nafarni tashkil etmoqda. Bu haqda Sog`liqni saqlash vazirligi matbuot xizmati ma`lum...
27.11.2021, 00:32
Evropa koronavirus yuqtirish holatlari keskin ko`paymoqda, deya xabar bermoqda Associated Press xabar berdi. Jumladan, Chexiyada koronavirus bilan bog`liq kasallik holatlari sababli yangi cheklovlar joriy etildi. Oxirgi sutkada...
