Ijtimoiy tarmoqlarda Qarshi shahrida joylashgan tibbiyot kolleji qoshidagi 5 qavatli qizlar yotoqxonasidan bir qiz o`zini derazadan tashlaganligi haqida xabar tarqalmoqda.
Holat yuzasidan Bosh prokuratura matbuot xizmati rasmiy ma`lumot berdi.
Aniqlanishicha, 30 noyabr kuni soat 19.00larda Qarshi shahrida joylashgan “Abu Ali ibn Sino” nomidagi jamoat salomatligi texnikumining yotoqxonasida yashagan 2-bosqichda o`qigan talaba qiz (2001 y.t.) yotoqxona 4-qavatidan sakrab o`z joniga qasd qilgan.
Mazkur holat yuzasidan Qarshi shahar prokuraturasi tomonidan tergovga qadar tekshiruv harakatlari olib borilmoqda.
Marhumaning o`lim sabablari va ishga aloqador bo`lgan boshqa holatlarga aniqlik kiritish maqsadida sud-tibbiy ekspertizasi tayinlangan hamda ishga aloqador bo`lgan shaxslardan tushuntirish xatlari olinmoqda.
