my5
all

Kumushxon Fayzullaeva: «Vatanim uchun oltin medal taqdim eta olganimdan xursandman»

Sport 14.10.2018, 15:22
Теглар: Foto
2056
Kumushxon Fayzullaeva: «Vatanim uchun oltin medal taqdim eta olganimdan xursandman»

Og`ir atletikachi Kumushxon Fayzullaeva -63 kg vazn toifasida eng yaxshi natijani ko`rsatib, oltin medalga sazovor bo`ldi.

Albatta, medal uchun kurash oson kechgani yo`q. Hamyurtimiz shohsupaga ko`tarilgach, madhiya vaqtida ko`z yoshlarini tiyib tura olmadi. Ushbu muvaffaqiyatdan so`ng biz MOQ matbuot xizmati Kumushxon Fayzullaevaning fikrlari bilan qiziqdi.

«O`smirlar Olimpiadasiga uzoq vaqt tayyorgarlik ko`rgandik. Mana, mehnatlarimiz samarasi o`laroq, oltin medalni qo`lga kiritdik. Terma jamoamiz hisobiga ushbu medalni qo`shib qo`ya olganimdan xursandman. Judayam hayajonlandim. Birinchi o`rin va oltin medal o`z-o`zidan kelmaydi. Buning zamirida ulkan mehnat va murabbiylarimning katta hajmdagi ishlari yotibdi.

Fursatdan foydalanib, barchaga o`z minnatdorchiligimni bildiraman.Sportda eng asosiysi, qat`iy tartibga rioya qilish lozim. Shunda natijalar keladi. Buni murabbiylarimiz shtabi ham tasdiqlaydi. Bu borada mening omadim kelgan. Ular bizni o`qitishadi, tarbiyalashadi va maqsadlarimiz sari etaklashadi», – dedi sportchi.

Terma jamoamiz murabbiyi Bahrom Mendiboev ham muvaffaqiyatdan so`ng o`z xursandchiligini yashira olmadi.

«Kumushxon Fayzullaeva o`smirlar Olimpiya o`yinlarining oltin medaligacha bo`lgan yo`lni uzoq vaqt davomida bosib o`tdi. U 2018 yilgi Osiyo va jahon chempionidir. Olimpiya o`yinlarida bizga Shimoliy Koreya, Tailand va Bolgariya kabi mamlakat sportchilari asosiy raqib hisoblanardilar. Biz ularni yaxshilab o`rganib chiqqandik. Shimoliya Koreya sportchisi xato sababli o`z ishtirokini davom ettira olmadi. Bolgariyalik sportchi qiz esa o`smirlar o`rtasidagi Evropa chempioni hisoblanadi. Raqiblar kuchli edi, biroq biz ularni mag`lub eta oldik.

Bunday natijalar bizni yanada ruxlantiradi. Endi noyabr oyida Ashxobodda kattalar o`rtasida jahon chempionati bo`lib o`tadi. Kumushxon u erda ham ishtirok etadi.Fursatdan foydalanib, yaratib berilgan sharoitlar uchun Milliy olimpiya qo`mitasi, Jismoniy tarbiya va sport vazirligi, O`zbekiston og`ir atletika federasiyasiga minnatdorchilik bildiraman. O`zbekiston hukumati sportga katta e`tibor qaratmoqda. Biz esa o`z navbatida yuqori natijalar orqali bildirilgan ishonchni oqlaymiz», – dedi murabbiy.

Шарҳлар

Sirdaryodan maxsus reportaj: Xalq artistlari xalq xizmatiga keldi… (Foto)

23.05.2020, 12:43

Bugun ko`ngillarni obod qilaman degan har kimning yo`li Sirdaryo viloyatiga tutashishi aniq. Texnogen ofat chin ma`noda butun millatni oyoqqa turg`izdi, bir tan-u bir jon bo`lishga...
Prezident Sardobada: 1480 xonadondan iborat 37 ta uyning poydevoriga tamal toshi qo`yildi (Foto)

15.05.2020, 14:27

O`zbekiston Respublikasi Prezidenti Shavkat Mirziyoev 15 may kuni Sirdaryo viloyatiga keldi.Ma`lumki, joriy yil 1 may kuni Sardoba suv ombori to`g`onining bir qismi o`pirilib, yondosh tumanlardagi...
Shimoli-g`arbiy harbiy okrug harbiylari sirdaryoliklarga yordam berishni boshladi (Foto)

05.05.2020, 12:22

3 may kuni Shimoli-g`arbiy harbiy okrugdan 300 nafardan ortiq harbiy xizmatchilar hamda 20 ga yaqin harbiy va maxsus texnika Sirdaryo viloyatining Sardoba suv omborida sodir...
Qashqadaryoda fotoqopqonga tushgan qor qoplonining suratlari e`lon qilindi

29.04.2020, 12:46

Qashqadaryo viloyati Hisor davlat qo`riqxonasiga  o`rnatilgan fotoqopqonga qor qoplonining noyob kadrlari tushib qoldi.Qor qoploni O`zbekistonning yuqori qor tizmalarida yashovchi jonivor bo`lib, sayyoradagi hayvonot olamining kamyob turlaridan biri...