41

​Yulduz Turdieva endi estradada kuylaydi

Shou-biznes 18.12.2018, 12:30
Теги: Foto
6187
​Yulduz Turdieva endi estradada kuylaydi

O`zbek, tojik, eron, ozarbayjon va turk tillarida qo`shiq kuylab, nafaqat yurtimiz, balki xorijda ham muxlislar mehrini qozongan san`atkor, O`zbekistonda xizmat ko`rsatgan artist Yulduz Turdieva bilan yana uchrashdik. Xabaringiz bordir, xonanda bundan bir necha oy avval Parijning «Abes» teatrida maqom kechasini taqdim etgandi. Ushbu konsert chet ellik san`at shaydolarining katta e`tirofiga sazovor bo`ldi.

— Ijro yo`nalishingiz o`zgardi, deb eshitdik. Shu rostmi?

— (kuladi) Bu ma`lumotni inkor etmayman, ammo yo`nalishim o`zgardi, deishim ham noto`g`ri. Zamonaviy kuy-qo`shiqlar – tinglovchilarimiz talabi. Biz, ijodkorlar buni inobatga olishimiz kerak. An`anaviy yo`nalishimni unutmagan holda bundan buyon estradada ham kuylamoqchiman.

— Bu ikki yigit ijodiga befarq emasman. Kuylagan qo`shiqlari doim ommalashadi. Sarvar va Komilning ijro yo`nalishi, musiqa, matn tanlovi ko`p e`tiborimni tortgan. Shuning uchun ham hamkorlikni yo`lga qo`ydik.

— Xonanda Ziyoda bilan juda ham yaqinsiz, shundaymi?

— Shunday. Ziyoda bilan oilaviy bordi – keldimiz bor. Uning insoniy fazilatlari, samimiyatini hurmat qilaman. Oilasi, yaqinlariga juda mehribon. Doim ularnng tashvishini qilib yuradi.

— Avvalgiga qaraganda tashqi ko`rinishingizga ko`proq e`tibor berayotgandeksiz?

— Ha. Ayol kishi, ayniqsa, u san`atkor bo`lsa, doim o`ziga e`tiborli bo`lishi kerak. Sahnaga chiqqanda biror kamchiligim ko`zga tashlanishini istamayman.

— Ozarbayjon telekanallarida doimiy mehmonsiz...

— Meni xursand qiladigani, ozarbayjonliklar ijodimga befarq emas. Shungami, telekanal ijodkorlari tez – tez ko`rsatuvlarga chaqirib turishadi. Balki ozarbayjon tilida kuylagan qo`shiqlarim tufayli meni yoqtirib qolishgandir. Aslida, bir necha yildan buyon teledasturlarga taklif qilishardi. Tadbir va ijodiy safarlardan vaqt orttirib, doim ham bora olmasdim.

— Sizning-cha, muxlislaringiz konsertingizni kutishyaptimi?

— Nokamtarlikka yo`ymang-u, bu borada ishonchim komil: ko`pchilik konsertimni kutyapti. Buni ijtimoiy tarmoqlardagi izoh va fikrlardan ham bilish mumkin. Muxlislarimni uzoq kuttirmayman. Yakkaxon konsert dasturi bo`ladi, albatta!

— Ijodiy safarlarga ko`p borasiz. Oilaga, bolalarga vaqt ajrata olyapsizmi?

— Eng murakkab vazifa – bu farzandlar kelajagi uchun poydevor qo`ymoq. Bolalarimning hayoti chiroyli bo`lishi uchun harakat qilayotganim, ularga bo`lgan mehrim, e`tiborim kelgusida meva berishiga ishonaman. Farzandlarim bilan birga o`tgan har bir daqiqam men uchun oltinga teng. Ularning kichkina yutug`idan ham bir olam zavq olaman. Afsuski, ijodiy safarlar, tadbirga tayyorgarlik, ovoz yozish ishlari – bular ko`p vaqt talab etadi. Shunday paytlar bolalarning ko`ngliga yanada ko`proq qaragim keladi. Imkon qadar ularni eshitishga, nimalar bilan band ekanliklarini bilishga urinaman.

— Rejalaringiz haqida so`rasak...

— 2019 yil uchun aniq rejalar bor. Bir nechta xorij davlatda konsert beriladi. Shuningdek, milliy qo`shiqlarimiz, maqomlarni qayta kuylamoqchiman. Xullas, yangi yilda yangi kuch – g`ayrat bilan ijod qilaman.

— «Benom» guruhidagi Sarvar va Komil bilan hamkorlik qilayotganingizning boisi nima?

Aliya suhbatlashdi

Комментарии

Xorijiy ijodkorlar o`zbek yoshlariga mahorat-sabog`ini o`tishdi

10.10.2019, 16:32

“Yozuvchi/rassom/madaniyat xodimi rezidensiyada” dasturi ishtirokchilari Yoshlar press klubida ijodkor yoshlar bilan uchrashishdi.O`zbek va xorij ijodkorlari hamkorligini rivojlantirish maqsadida tashkil etilgan ushbu rezidensiya dasturining dunyoning turli...
Surxondaryoda uch egizak dunyoga keldi

07.10.2019, 18:03

Kuni kecha Termiz shahar Sahovat mahallasidagi Haydarovlar xonadonida uch nafar egizak farzandlar dunyoga keldi. Shahar tibbiyot birlashmasining tug`ruq bo`limida ko`zi yorigan surxondaryolik Iroda Xo`jamova ikki...
Maktabgacha ta`lim vazirligi mobil va modulli MTTlarni taqdim etdi (Foto)

04.10.2019, 15:49

2019 yil 4 oktyabr kuni mobil va modulli maktabgacha ta`lim muassasalarining taqdimoti bo`lib o`tdi. Ular oddiy MTTlarni qurish imkonsiz bo`lgan chekka qishloq joylari, tog`li hududlar...
Raqqosalarimiz Koreyadagi Niqob raqs festivalida ishtirok etishmoqda (foto)

03.10.2019, 17:44

O`zbekiston Respublikasi Madaniyat vaziri o`rinbosari boshchiligidagi O`zbekiston delegasiyasi 27-sentyabrdan 6-oktyabrga qadar Koreya Respublikasining Andon shahrida o`tkazilayotgan xalqaro Niqob raqs festivalida ishtirok etmoqda.