Му5
3

Xorijiy ijodkorlar o`zbek yoshlariga mahorat-sabog`ini o`tishdi

Jamiyat 10.10.2019, 16:32
Теглар: Foto
1175
Xorijiy ijodkorlar o`zbek yoshlariga mahorat-sabog`ini o`tishdi

“Yozuvchi/rassom/madaniyat xodimi rezidensiyada” dasturi ishtirokchilari Yoshlar press klubida ijodkor yoshlar bilan uchrashishdi.O`zbek va xorij ijodkorlari hamkorligini rivojlantirish maqsadida tashkil etilgan ushbu rezidensiya dasturining dunyoning turli mamalakatlaridan tashrif buyurgan ishtirokchilari avvalo O`zbekiston yoshlar ittifoqi muzeyi bilan tanishishdi. Shundan so`ng yoshlar bilan qizg`in ijodiy davra suhbati bo`lib o`tdi, uchrashuvda har bir mehmon o`z yurtida adabiyot va san`atga bo`lgan e`tibor haqida so`zlash bilan birga o`z ijodlaridan namunalar ham o`qib berishdi. 

MehmonlarToshkent, Samarqand, Buxoro, Namangan, Farg`ona shaharlarida bo`lib, u erdagi taassurotlarini to`lqinlanib so`zlashdi.

Sipi Levin Bayron (Isroil): – Mamlakatingiz bo`ylab ikki hafta davom etgan dasturimiz yakuniga etdi. Men bu dasturga katta umidlar bilan qatnashgandim. Lekin orzularim oshig`i bilan amalga oshdi. Biz Toshkentning go`zalligiga, Samarqandning mo``jizaviyligiga, Buxoroning yuksak ma`naviyatiga va butun o`zbek xalqining mehmondo`stligiga guvoh bo`ldik. Bu bir umr esdan chiqmaydigan taassurotlardir. Yurtingiz biz tasavvur qilgandan ham go`zal ekan.

Beknur Kisikov (Qozog`iston): – Men O`zbekistonni va o`zbek adabiyotini yaxshi ko`raman. Yurtingizdan ajoyib yozuvchilar etishib chiqqan, ular bilan faxrlanishingiz va ijodini qadrlashingiz kerak. Ishonamanki, yoshlaringiz ham ajoyib adabiyotni yarata oladi. Chunki sizni ilhomlantira oladigan yurtingiz va bir-biridan sofdil odamlaringiz bor. Bunday muhit bilan buyuk adabiyot yaratsa bo`ladi.

A`zam Obidov, dastur tashabbuskori, yozuvchi va tarjimon: 

Loyihamiz o`z oldiga qo`ygan maqsadga qisman erishdi deb ayta olaman. Ayrim joylarda kamchiliklarimiz borligi ko`rindi, ayrim joylarda hukumatimizning yordami kerakligi ham sezildi. Asosiysi, loyihamizga qiziqish katta, shunday ekan davomli bo`ladi deb umid qilaman.  O`zbek adabiyoti chet el tillarga ko`proq tarjima qilinishini istaymiz.Chunki bu ijodkorlarimizni dunyoga tanitishning eng oson yo`li.Buning uchun ijodkorlarimiz dunyo tillarini o`rganishlari hamda xorij ijod ahli bilan tez-tez uchrashib turishi lozim. Shunday ekan bu kabi mustaqil dasturlar,madaniy-ijodiy loyihalarning tez-tez o`tkazilishi muhim deb hisoblayman.

 

Uchrashuv davomida O`zbekiston yoshlar ittifoqi Markaziy kengashi raisi Alisher Sa`dullaev so`zga chiqib mehmonlarga yosh ijodkorlarga bergan katta tajribasi va rag`bati uchun o`z minatdorchiligini bildirdi.

Shundan so`ng Yosh ijodkorlar kengashining faol yoshlari bilan xorijiy mehmonlar o`rtasida  qizg`in savol-javob bo`lib o`tdi. Ijodiy ruhda kechgan tadbir mehmonlarda ham, yoshlarda ham katta taassurot qoldirdi. Ushbu uchrashuv yosh ijodkorlar uchun yaxshigina mahorat sabog`i ham bo`ldi deyish mumkin.

Dilfuza SOBIROVA

Fotomuxbir: Rustam Ashurmatov.

 

Шарҳлар

Qoraqalpog`iston Respublikasida Vatan himoyachilari kuni bayramining yorqin lahzalari (Fotoreportaj)

14.01.2020, 20:17

Bugun, 14 yanvar kuni Berdaq nomidagi Qoraqalpoq davlat akademik musiqali teatrida Vatan himoyachilari kuni hamda O`zbekiston Qurolli Kuchlari tashkil etilganining 28 yilligi bayram tadbiri bo`lib o`tdi. Tadbirda...
Nukusdagi festivalda harbiylarning chiqishlari, yoshlar bilan quvnoq bahslar, qurol va harbiy texnikalar ko`rgazmasi va boshqalar namoyish etildi (Foto)

14.01.2020, 18:07

Vatanparvarlik oyligi doirasida barcha hududlarda bo`lgani kabi Qoraqalpog`iston Respublikasida ham vatanparvarlik festivallari orqali Vatan himoyachilari kuni ayyomi umumxalq bayrami sifatida xalqimiz bilan birga o`tkazilyapti.Nukus shahri...
Avtraliya tabiiy ofat iskanjasida (Foto)

07.01.2020, 12:29

2019 yilning oktyabr oylarida havo haroratining isib ketishi oqibatida Avstraliyaning sharqiy hududlarida boshlangan o`rmon yong`inlari hozirda Yangi janubiy Uels va Viktoriya shtatlarining janubiy-sharqiy qism hududlarigacha...
Toshkentda 7 yoshli sportchi MMA yulduzi Murod Xonto`raevni kurashga chorladi (foto va video)

13.12.2019, 14:10

Joriy yil 11 dekabr kuni MMA chempioni, taniqli sportchi Murod Xonto`raev Shavkat Mirziyoev tomonidan ilgari surilgan yoshlar ma`naviyatini yuksaltirish va ularning bo`sh vaqtini mazmunli tashkil...