Му5
4

O`zbekistonda qurilajak AES mutaxassislari Rostov viloyatida tahsil oladi

Siyosat 04.12.2019, 13:20
Теглар: O`zbekiston, Rostov
616
O`zbekistonda qurilajak AES  mutaxassislari Rostov viloyatida tahsil oladi

Rostov-na-Donu shahrida O`zbekistonning Bosh konsulligi tomonidan “O`zbekiston-Rossiya: ikki davlatning ijtimoiy-siyosiy aspektlari” mavzusidagi muhokamalar doirasi tashkil etildi. Tadbir RF janubidagi eng qadimiy va nufuzli oliy ta`lim muassasasi – Rostov Davlat iqtisodiyot universiteti ("RINX") maydonida OTM prezidenti A.U.Albekov hamda rektori E.N.Makarenko ishtirokida bo`lib o`tdi. 

Rossiya tomondan rasmiylar, diplomatik korpus, biznes doiralar, akademik va ilmiy doiralar vakillari, jamoat arboblari, "RINX" talaba va aspirantlari ishtirok etishdi. 

Tadbir doirasida ishtirokchilarga so`nggi yillarda O`zbekistonda ijtimoiy-siyosiy, iqtisodiy va gumanitar sohalarida amalga oshirilayotgan islohotlar haqida batafsil ma`lumot berildi. 

Shu bilan birga, O`zbekistonda o`tkazilishi kutilayotgan parlament saylovlari, ta`lim, turizm hamda sog`liqni saqlash sohalaridagi islohotlarga katta e`tibor qaratildi.

Shundan so`ng tomonlar O`zbekiston-Rossiya munosabatlarining bugungi holati va istiqbollari, xususan ta`lim tizimi va O`zbekistonda qurilajak AES uchun mutaxassislarning Rostov viloyatida tahsil olishi masalalarini muhokama qilishdi. 

Ta`kidlash joizki, muhokamalar doirasida Rostov viloyatiga tashrif buyurgan O`zbekiston OTMlari delegasiyasi ham faol qatnashdi. Toshkent Davlat texnika universiteti, Turin politexnika universitetining Toshkent filiali hamda Andijon mashinasozlik instituti rektorlari rasmiy chiqishlardan keyingi fikrlar almashinuvida faol ishtirok etib, forum ishtirokchilarining ko`p sonli savollariga javob berishdi. 

Bundan tashqari, O`zbekiston OTMlari delegasiyasining “RINX” Rostov davlat iqtisodiyot universiteti rahbariyati bilan uchrashuvi o`tkazilib, unda tomonlar oliy ta`lim muassasalari o`rtasidagi hamkorlik istiqbollarini muhokama qilishdi.

Tadbir yakuniga ko`ra, Andijon mashinasozlik instituti hamda “RINX” o`rtasida hamkorlik memorandumi imzolandi. Hujjat shuningdek Andijon OTMsida yangi buxgalterlik hisobi va audit, logistika va axborot xavfsizligi kafedralari ochilishi masalasini ishlab chiqishni ko`zda tutadi. 

Muhokamalar doirasi RF Qonunchilik kengashi, Iqtisodiy rivojlanish vazirligi, Rostov viloyati jamoatchilik palatasi, Butunrossiya xalq fronti hududiy bo`limi hamda Rostov-na-Donu shahri jamoatchilik palatasi hamkorligida tashkil etilgan.

Шарҳлар

O`zbekiston “Yilning eng yaxshi boks mamlakati” deya e`tirof etildi

07.01.2020, 08:35

Sport bo`yicha xorijning nufuzli nashrlaridan biri O`zbekistonni “Yilning eng yaxshi boks mamlakati” deya e`tirof etdi. Bu haqda Jismoniy tarbiya va sport vazirligi Matbuot xizmati xabar berdi.Angliyaning...
Qozog`istonda O`zbekiston Oliy Majlisi deputatligi uchun ovoz berish boshlandi

13.12.2019, 08:50

Qozog`istonda 12 dekabr kuni O`zbekiston Respublikasi Oliy Majlisi Qonunchilik palatasi deputatligiga nomzodlarga muddatidan avval saylovlar boshlandi, deb xabar bermoqda Kazinform’ga tayannib O`zA.“Fuqarolarga imkon qadar qulay...
Dunyoning mashhur telekanali ilk bor O`zbekiston haqidagi filmlarni efirga uzatmoqda

12.12.2019, 09:17

Joriy yilning 8 dekabridan boshlab AQShning SNBC (“Consumer News and Business Channel”) telekanali O`zbekistonga bag`ishlangan oltita filmni efirga uzatishni boshladi.Mazkur hujjatli filmlarda yangi O`zbekistonda amalga...
Bugun davlatimiz uchun muhim sana

10.12.2019, 09:00

10 dekabr – O`zbekiston Respublikasining Davlat madhiyasi qabul qilingan kun"O`zbekiston Respublikasining davlat madhiyasi to`g`risida"gi Qonun 1992 yil 10 dekabrda O`zbekiston Respublikasi Oliy Kengashining o`n birinchi...